ပြီးခဲ့သည့်နွေရာသီအပြောင်းအ ရွှေ့ကာလက ရီးယဲလ်မက်ဒရစ်အသင်းထံသို့ ပေါ့ဘာ မပြောင်းရွှေ့ခဲ့ခြင်းမှာ Adidas က ဝင်ရောက်ညိနှိုင်းပေးခဲ့ခြင်းကြောင့်ဖြစ်ကြောင်း မီဒီယာများက ဖော်ပြခဲ့ကြသည်။
နာမည်ကြီးအားကစားပစ္စည်း ထုတ်လုပ်ရေးကုမ္ပဏီတစ်ခုဖြစ်သည့် Adidas သည် ပေါ့ဘာနှင့်ရော၊ မန်ယူအသင်းနှင့်ပါ စပွန်ဆာစာချုပ် ချုပ်ဆိုထားသည့် ကုမ္ပဏီတစ်ခုဖြစ်သည်။
ပေါ့ဘာနှင့် Adidasတို့သည် (၁၀) နှစ်စာချုပ်ချုပ်ဆိုထားခဲ့ပြီး၊ ယခုအချိန်တွင် စာချုပ်သက်တမ်း (၃)နှစ်မြောက်ကို ဖြတ်သန်းလျက်ရှိသည်။
Adidas က ပေါ့ဘာ မန်ယူအသင်းတွင် ဆက်ရှိနေခြင်းက အကောင်းဆုံးအဖြစ်ယူဆကာ အသင်းမှထွက်ချင်နေသည့် ပေါ့ဘာနှင့် မန်ယူအသင်းတို့အကြား ဝင်ရောက်ညိနှိုင်းပေးခဲ့ခြင်း ဖြစ်ပြီး ယင်းဆွေးနွေးမှုမှာ အောင်မြင်ခဲ့သဖြင့် ပေါ့ဘာသည် မန်ယူအသင်းတွင် ဆက်ရှိနေခဲ့ခြင်းဖြစ်သည်။
Adidas သည် ရီးယဲလ်မက်ဒရစ်အသင်းကိုလည်း စပွန်ဆာပေးထားသဖြင့် ပေါ့ဘာ၏ အပြောင်းအရွှေ့မှာ ပြဿနာမဖြစ်သော်လည်း ရီးယဲလ်အသင်းတွင် ပုဂ္ဂိုလ်ရေးစာချုပ်များအဖြစ် ဘန်ဇီမာနှင့် ဂါရတ်ဘေးလ် တို့ကို စာချုပ်ထားရာ ပေါ့ဘာ မန်ယူအသင်းတွင် ဆက်ရှိနေခြင်းက စီးပွားရေးအမြင်အရ ပိုမိုကောင်းမွန်နေသဖြင့် ယင်းကဲ့သို့ ကြားဝင်ဆောင်ရွက်ပေးခဲ့ခြင်းဖြစ်ကြောင်းလည်း သိရှိရသည်။
