ဘာစီလိုနာအသင်းတိုက်စစ်မှူး ဆွာရက်ဇ်က ဆုဖလားများအတွက် ရာသီကုန်အထိ အစွမ်းကုန်တိုက်ပွဲဝင် သွားမည်ဟု ပြောကြားခဲ့သည်။
ဘာစီလိုနာအသင်းသည် မနေ့က ကစားခဲ့သည့် လာလီဂါပွဲစဉ်တွင် ဗီလာရီးယဲလ်အသင်းကို (၂-၄) ဂိုးဖြင့် ရှုံးနိမ့်ခဲ့သော်လည်း ပွဲပြီးခါနီးတွင် (၂) ဂိုးသွင်းကာ သရေရလဒ်ရယူနိုင်ခဲ့သည်။
အဆိုပါပွဲစဉ်တွင် (၉၃) မိနစ်၌ ချေပဂိုးသွင်းယူပေးခဲ့သည့် ဆွာရက်ဇ်က " ဗီလာရီးယဲလ်အသင်းဟာ ကျွန်တော်တို့နဲ့ ကစားတဲ့ပွဲစဉ်မှာ အရမ်းကောင်းခဲ့ပါတယ်။ ဒါပေမဲ့ ကျွန်တော်တို့ကလည်း နောက်ဆုံးအချိန်အထိ အရှုံးမပေးဘူးဆိုတာကို ဗီလာရီးယဲလ်နဲ့ပွဲမှာ ပြသနိုင်ခဲ့ပါတယ်။ ဒါဟာ ဆုဖလားတွေအတွက် ဘယ်လောက်အထိ ကျွန်တော် ဆာလာင်နေတယ်ဆိုတာ ပြသနိုင်ခဲ့တာလည်း ဖြစ်ပါတယ်" ဟု ပြောကြားခဲ့သည်။
