မန္တလေးမြို့ ချမ်းမြသာစည်မြို့နယ်၊ မနော်ဟရီလမ်းပေါ်ရှိ မီလျှံနာရွှေဆိုင် ဓားပြတိုက်ခံရမှု ဇူလိုင်၂၀ ရက် (ယနေ့)ညနေ ၄နာရီခန့်က ဖြစ်ပွားခဲ့ကြောင်း သတင်းရရှိသည်။
ချမ်းမြသာစည်မြို့နယ်၊ မနော်ဟရီလမ်း (၁၁၀လမ်း)၊ ၆၂လမ်းနှင့် ၆၃လမ်းကြားရှိ မီလျံနာရွှေဆိုင်ဓားပြတိုက်ခံရမှု ဖြစ်ပွားခဲ့ခြင်းဖြစ်သည်။
ဆိုင်ကယ်များမောင်းနှင်လာသည့် လူ၆ဦးခန့်မှ သေနတ်အတို၁လက်ဖြင့် ပစ်ဖောက်၍ ရွှေဆိုင်တွင်း၀င်ကာ ရွှေများယူဆောင်ထွက်ပြေးသွားခဲ့ကြောင်း သိရသည်။
" ခုမှ စစ်ဆေးရေတွက်နေတုန်း။ တစ်ပိသာလောက်ရှိမယ်ထင်တယ်။ သေချာမသိရသေးဘူး။ လောလောဆယ်တော့ ကျူးလွန်သူတွေ တစ်ယောက်မှ မမိသေးဘူး။ ဖမ်းဆီးရမိဖို့ အားလုံးဆောင်ရွက်နေကြပါတယ်" ဟု တာ၀န်ရှိသူတစ်ဦးက ပြောကြားခဲ့သည်။
အဆိုပါရွှေဆိုင်သို့ ဓါးပြတိုက်ရန်၀င်ရောက်လာသူအမျိုးသားများသည် မျက်နှာအား မက်စ်တပ်ထားပြီး ဆိုင်ကယ်ဦးထုတ်မှန်များချကာ ကာထား၍ သေနတ်ပစ်ဖောက်ကာ မည်သူမျှ အနားမကပ်နိုင်စေရန်ခြောက်လှန့်ကာ ရွှေများလုယူသွားသည်ကို ရုပ်သံမူဗွီဖိုင်အရ သိရသည်။
