ဩစတြေးလျနိုင်ငံတွင် ထိုင်းလေယာဉ်မယ်တစ်ဦးကို မူးယစ်ဆေးဝါးမှောင်ခိုတင်သွင်းမှုဖြင့် ဖမ်းဆီးပြီးတရားစွဲဆိုထားကြောင်း ဩစတြေးလျ ရဲတပ်ဖွဲ့က ပြောကြားခဲ့သည်။

အသက် ၂၆ နှစ်အရွယ် အဆိုပါ လေယာဉ်မယ်သည် ဇွန် ၂၅ ရက်က မဲလ်ဘုန်းလေဆိပ်ကို ရောက်ရှိလာချိန်တွင် သူနှင့်အတူပါလာသည့်အိတ်များအတွင်း ဝှက်ပြီး ထည့်သွင်းထားသည့် ဘိန်းဖြူ တစ်ကီလိုဂရမ် (၂ ဒသမ ၂ ပေါင်) ကို အကောက်ခွန်အရာရှိများက ရှာဖွေတွေ့ရှိခဲ့သည်။

အဆိုပါ အိတ်များ၏အတွင်းဘက်အလွှာတွင် လျှို့ဝှက် ထည့်သွင်းထားသော ဘိန်းဖြူများ၏ ခန့်မှန်းခြေကာလပေါက်စျေးမှာ သြစတြေးလျဒေါ်လာ ၅၀၀၀၀၀ (အမေရိကန်ဒေါ်လာ ၃၄၃၃၀၀) ရှိကြောင်း သိရသည်။

ထိုအမျိုးသမီးသည် မူးယစ်ဆေးဝါးကို ရောင်းဝယ်ဖောက်ကားရန် ပမာဏအတိုင်းအတာတစ်ခုအထိ တင်သွင်းမှုတစ်မှု၊ လက်ဝယ်ထားရှိမှုတစ်မှုဖြင့် တရားစွဲဆိုခြင်းခံထားရသည်။

ထိုစွဲချက်တစ်ခုစီအတွက် အမြင့်ဆုံးပြစ်ဒဏ်အဖြစ် ထောင်ဒဏ် ၂၅ နှစ်အထိ ချမှတ်ခံရနိုင်သည်။

အဆိုပါအမျိုးသမီးကို ဇွန် ၂၆ ရက်နေ့ကတည်းက ရမန်ဖြင့် ထိန်းသိမ်းထားပြီး စက်တင်ဘာလ ၁၄ ရက်နေ့တွင် မဲလ်ဘုန်းတရားရုံး ၌ ရုံးထုတ်စစ်ဆေးရန် စီစဉ်ထားသည်။

Ref: Reuters

Photos- AP