ဟာသသရုပ်ဆောင် ညောင်ညောင် ကွယ်လွန်ခဲ့ပြီး နာရေးကို ရေဝေးသုသာန်၌ ဒီဇင်ဘာ ၁၉ ရက်တွင် ပြုလုပ်မည်ဖြစ်ကြောင်း သိရသည်။
ဟာသသရုပ်ဆောင် ညောင်ညောင်(ခ) ဦးညီညီလှိုင်မှာ ဒီဇင်ဘာ ၁၇ ရက် ည ၇ နာရီ ၁၀ မိနစ်တွင် ရန်ကုန်မြို့ မြောက်ဥက္ကလာပ OSC ဆေးရုံတွင် ကွယ်လွန်သွားခဲ့ခြင်းဖြစ်သည်။
“ကိုညီရေ။ဒီတခါတော့တကယ်နှုတ်ဆက်သွားပြီပေါ့။ သံသရာတကွေ့..ပြန်တွေ့ကြရအောင်ဗျာ" ဟု သရုပ်ဆောင်လွင်မိုးက လူမှုကွန်ရက်တွင်ရေးသားထားသည်။
ညောင်ညောင်၏ ကျန်ရစ်သော ရုပ်ကလာပ်အား OSC ဆေးရုံမှ ရေဝေးသုဿန်ရှိအအေးခန်းသို့ နာရေးကူညီမှုအသင်း (ရန်ကုန်) မှရုပ်ရှင်သရုပ်ဆောင်ထွန်းကိုကိုနှင့်အသင်းသူ/သားများမှ ဒီဇင်ဘာ ၁၈ ရက်နံနက်တွင် ပို့ဆောင်ကူညီပေးခဲ့ကြောင်း သိရသည်။
ဟာသသရုပ်ဆောင် ညောင်ညောင်မှာ အသည်းရောဂါကို ကာလရှည်ခံစားခဲ့ရသူဖြစ်ကြောင်း သိရပြီး ကွယ်လွန်ချိန်တွင် အသက် ၆၂ နှစ်ရှိပြီဖြစ်ကြောင်း သိရသည်။
ဒီဇင်ဘာ ၁၉ ရက် နံနက် ၁၁ နာရီတွင် နေအိမ်မှ ကားများ ထွက်ခွာမည်ဖြစ်ကြောင်း သိရသည်။
