အင်္ဂလန်ဘောလုံးအဖွဲ့ချုပ်(FA)ဟာ နော်တင်ဟမ်ဖောရက်စ်နဲ့ပွဲမှာ ခရစ္စတယ်ပဲလေ့စ်ပရိသတ်တွေ လွှင့်ထူခဲ့တဲ့ တံခွန်အလံအတွက် စုံစမ်းစစ်ဆေးမှု ပြုလုပ်မယ်လို့ သိရပါတယ်။
(၁-၁)ဂိုးနဲ့ သရေကျခဲ့တဲ့ အဲဒီပွဲမှာ အိမ်ရှင် ပဲလေ့စ်ပရိသတ်တွေက နော်တင်ဟမ်ဖောရက်စ်အသင်းပိုင်ရှင် မာရီနာကစ်ကို လှောင်ပြောင်ထိုးနှက်တဲ့ တံခွန်အလံကို လွှင့်ထူခဲ့တာပါ။
အဲဒီတံခွန်အလံမှာ မာရီနာကစ်က ကွင်းလယ်ကစားသမား ဂစ်ဝှိုက်ရဲ့ခေါင်းကို သေနတ်နဲ့ ချိန်ရွယ်ထားပြီး ဂစ်ဝှိုက်က မစ္စတာမာရီနာကစ်ဟာ ငွေညှစ်တဲ့သူမဟုတ်ကြောင်း၊ လုပ်ပွဲလည်း မလုပ်ကြောင်း၊ မူးယစ်ကုန်သည်လည်း မဟုတ်ကြောင်း၊ အကျင့်ပျက်ခြစားသူလည်း မဟုတ်ကြောင်းကို ကြောက်ကြောက်ရွံ့ရွံ့ ပြောနေပုံ သရုပ်ဖော်ထားပါတယ်။
ဒါကြောင့် FA က စုံစမ်းစစ်ဆေးမှု ပြုလုပ်ဖို့ စီစဉ်နေတာဖြစ်ပြီး ဒီလုပ်ရပ်က FA ရဲ့ စည်းမျဉ်းနဲ့ မကိုက်ညီတာကြောင့် ပဲလေ့စ်အသင်းအနေနဲ့ အရေးယူခံရဖွယ်ရှိကြောင်း သိရပါတယ်။
ပဲလေ့စ်အသင်းနဲ့ ပရိသတ်တွေဟာ ယူရိုပါလိဂ်ဝင်ခွင့်ကို နော်တင်ဟမ်ဖောရက်စ်အသင်းထံ လွှဲပြောင်းပေးခဲ့ရတာကြောင့် မကျေမချမ်းဖြစ်နေခဲ့တာပါ။
