နိုဝင်ဘာလနိုင်ငံတကာပွဲစဉ်တွေအပြီး ဥရောပထိပ်တန်းလိဂ်ကလပ်အသင်းပွဲစဉ်တွေ ပြန်ဝင်လာချိန်မှာပဲ အီတလီစီးရီးအေက အပြင်းထန် ဆုံးသော ပြိုင်ဆိုင်မှုတွေနဲ့ ရင်ခုန်စိ်တ်လှုပ်ရှားမှု ပေးဖို့အသင့်စောင့်ကြိုနေတယ်။ ဥရောပဘောလုံးရပ်ဝန်းရဲ့ ပြီးခဲ့တဲ့ (၅)ရာသီကိုပြန်ကြည့်ရင် ထိပ်တန်းလိဂ် (၅)ခုထဲမှာ အီတလီစီးရီးအေက ချန်ပီယံဆုအတွက် အကြိတ်အနယ်အရှိဆုံးလိဂ်တစ်ခု ဖြစ်ခဲ့တယ်။ ၂၀၁၉-၂၀ ရာသီကနေ ပြီးခဲ့တဲ့ ၂၀၂၃-၂၄ ရာသီအထိ (၅)ရာသီအတွင်းမှာ အီတလီစီးရီးအေဟာ မတူညီတဲ့ ချန်ပီယံ (၄)သင်း ထွက်ပေါ်ခဲ့ပြီး (အင်တာမီလန် ၂ ကြိမ်၊ ဂျူဗင်တပ်စ်၊ အေစီမီလန်၊ နာပိုလီ ၁ ကြိမ်စီ) ဘယ်အသင်းမှ (၂) ကြိမ်ဆက်ချန်ပီယံမဖြစ်တဲ့အထိ အားပြိုင်မှုကြီးမားခဲ့တယ်။