ချယ်လ်ဆီးကွင်းလယ်ကစားသမား အန်ဇိုဖာနန်ဒက်ဇ်အား ခေါ်ယူရန် ဥရောပထိပ်တန်းအသင်းကြီးများဖြစ်သည့် ဘာစီလိုနာနှင့် အင်တာမီလန်အသင်းတို့က အပြိုင်စိတ်ဝင်စားနေကြောင်း သိရသည်။ 

အန်ဇိုဖာနန်ဒက်ဇ်(၂၃ နှစ်)သည် လီဗာပူးလ်၊ မန်ယူတို့နှင့်ကစားသည့်ပွဲစဉ်များတွင် ပွဲထွက်ခွင့်မရဘဲ လူစားဝင်အဖြစ်သာ ပါဝင်ကစားခွင့်ရခဲ့သည်။ 

အန်ဇိုဖာနန်ဒက်ဇ်သည် ပွဲထွက်ခွင့်အတွက် တိုက်ပွဲဝင်လိုနေသော်လည်း အရန်ခုံတွင် ထိုင်လိုခြင်းမရှိကြောင်း သိရှိရသည်။ ထို့ကြောင့် ဘာစီလိုနာနှင့် အင်တာမီလန်တို့က အန်ဇိုဖာနန်ဒက်ဇ်၏အခြေအနေကိုစောင့် ကြည့်နေကြပြီး ခေါ်ယူရန်စိတ်ဝင်စားနေကြောင်း သိရသည်။ 

အန်ဇိုဖာနန်ဒက်ဇ်သည် ချယ်လ်ဆီးအသင်းနှင့် ၂၀၃၁ ခုနှစ်အထိ စာချုပ်သက်တမ်းရှိနေသူဖြစ်သည်။ ၎င်းသည် ယခုရာသီတွင် ချယ်လ်ဆီးအသင်းအတွက် ပြိုင်ပွဲစုံ ၁၃ ပွဲ ပါဝင်ကစားထားကြောင်းသိရသည်။