Opta က နော်တင်ဟမ်ဖောရက်စ်ရဲ့ လက်ရှိရာသီအစ ပရီးမီးယားလိဂ် (၁၀)ပွဲဟာ စတုတ္ထ မြောက်အလွယ်ကူဆုံးဆိုပြီး ဖော်ပြခဲ့တယ်။ ဒါဆိုရင် ပွဲစဉ်ဇယားဖေးမမှုဆိုပြီး တံဆိပ်ကပ်နိုင်မလား။ ဒီလိုလည်း မဟုတ်သေးပါဘူး။ လက်ရှိရာသီအစ ပရီးမီးယားလိဂ် (၁၀)ပွဲမှာ နော်တင်ဟမ်ဖောရက်စ် ရင်ဆိုင်ခဲ့ရတဲ့အသင်းတွေထဲ လီဗာပူးလ်နဲ့ ချယ်လ်ဆီးလို Big Six အသင်းနှစ်သင်းပါခဲ့တယ်။ အဲဒီ နှစ်သင်းစလုံးကို နော်တင်ဟမ်ဖောရက်စ် အရေးမနိမ်ခဲ့ဘူး။ အဲဒီအရည်အသွေးဟာ မတော်တဆ ဖြစ်လာတာမဟုတ်ပါဘူး။ နော်တင်ဟမ်ဖောရက်စ် က Over-preforming ဖြစ်နေပြီး မျှော်လင့်ထားတဲ့ရမှတ်ထက် ပိုများနေကာ တစ်ပွဲပျမ်းမျှ (၂ .၂၃) ရမှတ်အထိ ပိုင်ဆိုင်ထားပါပြီ။ ရာသီအစပရီးမီးယားလိဂ်ပွဲစဉ် (၁၀)က နော်တင်ဟမ်ဖောရက်စ်အတွက် သာယာခဲ့ပေမယ့် လာမယ့် ပရီးမီးယားလိဂ် (၁၀)ပွဲက နော်တင်ဟမ်ဖောရက်စ်ရဲ့ ခံနိုင်ရည်အားကို စမ်းသပ်ပါလိမ့်မယ်။