အိန္ဒိယနိုင်ငံ နယူးဒေလီမြို့တော်တွင် အောက်တိုဘာ ၂၃ ရက်က အန္တရာယ်ရှိသော လေထုညစ်ညမ်းမှုကြုံတွေ့နေရသည်ဟု သိရသည်။
မီးရှူးမီးပန်းပစ်ဖောက်မှုများနှင့် လယ်သမားများ၏ ကောက်ပဲသီးနှံအကြွင်းအကျန်များ မီးရှို့ဖျက်ဆီးမှုကြောင့် လေထုညစ်ညမ်းရခြင်းဖြစ်သည်။
ယင်းလေထုညစ်ညမ်းမှုသည် ယခုနှစ်ဆောင်းရာသီအတွင်း ပထမဆုံးအကြိမ်အဖြစ် အန္တရာယ်အရှိဆုံးအဆင့်ဖြစ်ကြောင့် လေထုအရည်အသွေးစောင့်ကြည့်လေ့လာသူများက ပြောကြားခဲ့သည်။
လမ်းသွားလမ်းလာများသည် နှစ်စဉ်လူပေါင်းထောင်ချီကို သေဆုံးစေသည့် အဆိပ်ရှိ မြူမှုန်များကို ဖြတ်သန်းကာ လုပ်ငန်းခွင်များသို့ သွားရောက်လျက်ရှိပြီး လူအနည်းစုသာ နှာခေါင်းစည်းများတပ်ဆင်ထားကြသည်။
နယူးဒေလီမြို့တော်သည် နှစ်စဉ်အန္တရာယ်ရှိသော လေထုညစ်ညမ်းမှုကြုံတွေ့နေရပြီး အထူးသဖြင့် အိမ်နီးချင်းဒေသများမှ လယ်သမားများ၏ ကောက်ပဲသီးနှံအကြွင်းအကျန်များ မီးရှို့ဖျက်ဆီးမှုကြောင့်ဖြစ်သည်။
ယခုနှစ်နိုဝင်ဘာ ၁ ရက်တွင် ကျရောက်မည့် ဟိန္ဒူမီးထွန်းပွဲတော် ဒီပါဝလီကာလအတွင်း လေထုညစ်ညမ်းမှု အဆိုးရွားဆုံးဖြစ်နိုင်ကြောင်း ကျွမ်းကျင်သူများက ခန့်မှန်းထားသည်။
