လီဂီယာဝါဆော နှင့် ဘက်တစ် (မြန်မာစံတော်ချိန် ကြာသပတေးည ၁၁း၁၅ နာရီ)
ဘက်တစ်အသင်းက ကစားသမားအင်အားပိုင်း အတော်လေးသာပါတယ်။ ပိုလန်မြေဖြစ်ပေမဲ့ ဘက်တစ်ပဲ အနိုင်ရဖို့များပါတယ်။
ဟိုင်းဟိုင် နှင့် အိုလင်ပီယာ (မြန်မာစံတော်ချိန် ကြာသပတေးည ၁၁း၁၅ နာရီ)
ဟိုင်းဟိုင်အသင်းအဖို့ ဥရောပပြိုင်ပွဲ ပထမဆုံးယှဉ်ပြိုင်မှုဖြစ်လို့ အာရုံစိုက်ကစားလောက်တယ်။ ဟိုင်းဟိုင် အနိုင်သေချာပါတယ်။
ချယ်လ်ဆီး နှင့် KAA ဂျန့် (မြန်မာစံတော်ချိန် သောကြာနံနက် ၁း၃၀ နာရီ)
ချယ်လ်ဆီးအသင်းအဖို့ ကွန်းဖရန့်လိဂ်ပြိုင်ပွဲက ပုံမှန်ပွဲထွက်ခွင့်မရတဲ့ ကစားသမားတွေအတွက် ပင်ကိုခြေစွမ်းခြေစ ထုတ်ပြခွင့်ရတဲ့ပြိုင်ပွဲလို ဖြစ်နေတယ်။ ပြိုင်ဘက်တွေထဲမှာ လောက်လောက်လားလားဆိုလို့ ဖီအိုရင်တီးနား၊ ဘက်တစ်နဲ့ ဟိုင်းဟိုင်အသင်းတို့လောက်ပဲ ပါဝင်နေလို့ ချယ်လ်ဆီးအသင်း အမှားအယွင်းမလုပ်ခဲ့ရင် ဖလားတစ်လုံးရဖို့ ရာခိုင်နှုန်းများနေတဲ့ ပြိုင်ပွဲလည်းဖြစ်တယ်။ KAA ဂျန့်ကတော့ ဘယ်လ်ဂျီယံလိဂ်မှာ တတိယနေရာ ရပ်တည်နေပြီး စတမ်းဖို့ဒ်ဘရစ်ချ်မှာတော့ အိမ်ရှင်အသင်းကို ဒုက္ခပေးနိုင်စွမ်း မရှိပါဘူး။ ချယ်လ်ဆီး ဂိုးပြတ်နိုင်လိမ့်မယ်။
ဖီအိုရင်တီးနား နှင့် နယူးစိန့်စ် (မြန်မာစံတော်ချိန် သောကြာနံနက် ၁း၃၀ နာရီ)
ဖီအိုရင်တီးနားအသင်းက ကွန်းဖရန့်လိဂ်ပြိုင်ပွဲအဖြစ် ကျင်းပတဲ့ နှစ်ကြိမ်စလုံး ဗိုလ်လုပွဲအထိ တက်ရောက်နိုင်ခဲ့ပေမဲ့ ဒုတိယနေရာနဲ့ပဲ ကျေနပ်ခဲ့ရပါတယ်။ ဖီအိုရင်တီးနားအဖို့ ဒီနှစ်မှာက ချယ်လ်ဆီး၊ ဘက်တစ်တို့လိုအသင်းတွေ ပါဝင်လာ လို့ ပြီးခဲ့တဲ့ရာသီကထက် စိန်ခေါ်မှုပိုများနိုင်တယ်။ Play-offs အဆင့်မှာလည်း ဟန်ဂေရီကလပ်ကိုတောင် နှစ်ကျော့စလုံး အနိုင်မရခဲ့ဘဲ ပယ်နယ်တီနဲ့ ကျော်ဖြတ်ခဲ့ရတယ်။ အခုတွေ့ဆုံမယ့် ဝေးလ်စ်ကလပ် နယူးစိန့်စ်အသင်းက ဖီအိုရင်တီးနား နဲ့ယှဉ်ရင်တော့ အဆင့်ချင်း အတော်ကွာပါတယ်။ ဖီအိုရင်တီးနားကို ရွေးချယ်တာပိုကောင်းမယ်။
