ပရီးမီးယားလိဂ်မှာ ဇာတ်ညွှန်းတွေရှိပါတယ်။ ဘောလုံးကအားကစားနည်းမဟုတ်ဘဲ ဘီလျံနာတွေရဲ့စီးပွားရေးရပ်ဝန်း၊ နိုင်ငံရေးသမားတွေရဲ့အသုံးချခံနယ်မြေဖြစ်သွားတဲ့အခါ မဖြူစင်တော့ဘူး။ ဇာတ်ညွှန်းတွေများလာတယ်။ နိုင်ငံတကာလောင်းကစားသမာဓိအဖွဲ့အစည်းက ၂၀၂၃ ခုနှစ်အတွင်း ထိပ်တန်းဘောလုံးပွဲတွေနဲ့တင်းနစ်ပွဲတွေမှာ လုပ်ပွဲသံသယတွေရှိတယ်ဆိုပြီး အတည်ပြုခဲ့တယ်။ လုပ်ပွဲလို့ယူဆရတဲ့သံသယဆိုတာ ပွဲရလဒ်ကို လိုသလိုဖန်တီးတာမျိုးပဲမဟုတ်ဘူး။ အဝါကတ်လေးတစ်ကတ်၊ ပြစ်ဒဏ်ဘောလေးတစ်ခု၊ ဒါမှမဟုတ်ကျွန်တော်တို့ သာမန်လို့ထင်ရတဲ့အခိုက်အတန့်လေးတစ်ခု၊ လုပ်ပွဲ သံသယဆိုတာ ကြီးမားကျယ်ပြန့်ပါတယ်။