ဆောက်သမ်တန်ရဲ့ ရာသီကြိုပြင်ဆင်မှုကိုကြည့်ရင် အသင်းနဲ့ စာချုပ်သက်တမ်းကုန်ဆုံးခဲ့ပြီဖြစ်တဲ့ ကစားသမား (၆)ဦးလောက်ကို ထွက်ခွင့်ပြုလိုက်တယ်။ ပရတ်၊ ကာလီတာကားတို့လို ကစားသမားတွေကို ဆက်ထိန်းဖို့ကြိုးစားခဲ့ပေမဲ့ အဆင်မပြေလို့ ဘက်တစ်၊ လိုင်ယွန်တို့ကို ရောင်းထုတ်ခဲ့တယ်။ ဒါပေမဲ့ သူတို့ ပြည်လည်အားဖြည့်ခဲ့တာကလည်း စိတ်ဝင်စားစရာကောင်းပါတယ်။ ဂျပန်ကစားသမား (၃)ဦး  လောက်ကို ပြန်ခေါ်ထားတယ်။ ဘရာဇီးလ်စီးရီးအေက ဆော်ပေါ်လိုရဲ့ သွေးသစ် (၂)ဦးကိုလည်း အားဖြည့်ခဲ့တယ်။ ဗီလာရီးယဲလ်က ချီလီကြယ်ပွင့်တိုက်စစ်မှူး ဒီယက်ဇ်ကိုလည်း (၄) နှစ်စာချုပ် ချုပ်ခဲ့ပါတယ်။ ကျွမ်းကျင်သူတွေကတော့ ရာသီသစ်မှာ ဒီယက်ဇ်ဟာ အမ်းစထရောင်းရဲ့ အကောင်းဆုံး တိုက်စစ်အတွဲအဖက်ဖြစ်လာလိမ့်မယ်လို့ သုံးသပ်ခဲ့ကြတယ်။