ပြီးခဲ့တဲ့ ဇူလိုင် (၁၁)ရက်နေ့မှာပဲ စပါးအသင်းဟာ ဘုန်းမောက်အသင်းရဲ့ အင်္ဂလန်တိုက်စစ်မှူး ဆိုလန်ကီကို ကလပ်စံချိန်တင်ပြောင်းရွှေ့ကြေး ပေါင် (၅၅)သန်း +Add-ons ပေါင် (၁၀)သန်းနဲ့ ခေါ်ယူကြောင်းအတည်ပြုကြေညာခဲ့ပြီး ၂၀၂၄ နွေ ဈေးကွက်ရဲ့ ပဉ္စမမြောက်ကစားသမားခေါ်ယူမှုဖြစ်လာခဲ့ပါတယ်။ ပုံမှန်အရကြည့်ရင် ဆိုလန်ကီလို အသက် (၂၆)နှစ်အရွယ်မှာ အင်္ဂလန်လက်ရွေးစင်အသင်းအတွက် နိုင်ငံတကာပွဲ (၁)ပွဲသာကစားခွင့် ရထားပြီး ပုံရိပ်၊ အောင်မြင်မှုနဲ့ ဂိုးသွင်းနှုန်းအရ ဒုတိယတန်းအဆင့်လို့သတ်မှတ်ရမယ့် တိုက်စစ်မှူးတစ်ဦးကို ကလပ်စံချိန်တင်ပြောင်းရွှေ့ကြေးပေး ပြီးခေါ်ယူခဲ့တာက စပါးအသင်းအတွက် အလျော် အစားကြီးမားလွန်းတာအမှန်ပါ။