အဲဗာတန်အသင်းရဲ့ အသက် (၂၂)နှစ်အရွယ် ဘယ်လ်ဂျီယံကြယ်ပွင့်ကွင်းလယ်လူ အမာဒူအိုနာနာကို ပေါင်သန်း (၅၀)နဲ့ခေါ်ယူဖို့ သဘောတူညီမှုရအပြီးမှာ အက်စတွန်ဗီလာအသင်းရဲ့ ၂၀၂၄ နွေဈေးကွက်ပြောင်းရွှေ့ကြေးအသုံးစရိတ်က ပေါင်သန်း (၁၃၀)နီးပါးအထိရှိလာခဲ့တယ်။ ဒီပမာဏကြောင့်ပဲ အက်စတွန်ဗီလာဟာ လက်ရှိ ၂၀၂၄ နွေဈေးကွက်အတွင်း ဥရောပထိပ်တန်းလိဂ် (၅)ခုမှာ ပြောင်းရွှေ့ကြေးအသုံးစရိတ်ပေါင်သန်း (၁ဝဝ) အမှတ်ကိုကျော်လွန်တဲ့ ပထမဆုံးအသင်းအဖြစ် မှတ်တမ်းဝင်ခဲ့သလို၊ ကစားသမားခေါ်ယူမှု (၁၀)ဦး (အသင်းကြီးနှင့် လူငယ်အသင်းအတွက်)နဲ့ အရေအတွက်အများဆုံး ခေါ်ယူတဲ့အသင်းအဖြစ်လည်း ရပ်တည်နေပါတယ်။