ဥရောပထိပ်တန်းလိဂ်တွေအတွက် နွေရာသီအပြောင်းအရွှေ့ဈေးကွက်က စတင်နေပြီဖြစ်ပြီး လောလောဆယ်အချိန်အထိကတော့ ယူရိုပြိုင်ပွဲ၊ ကိုပါအမေရိကပြိုင်ပွဲတွေရှိနေတဲ့အတွက်ကြောင့် အေးစက်တဲ့ အပြောင်းအရွှေ့ရာသီတစ်ခု ဖြစ်နေဆဲလို့ ပြောနိုင်ပါတယ်။ အခြားတစ်ဖက် က ကြည့်ရင် အသင်းတွေဟာယူရိုပြိုင်ပွဲအခြေအနေကို စောင့်ကြည့်နေကြတဲ့ သဘောပါပဲ။ ယူရိုပြိုင်ပွဲကျင်းပနေချိန်ကာလအတွင်းမှာ ဖြစ်သွားတဲ့ အပြောင်းအရွှေ့တွေလည်း ရှိနေတာမှန်ပေမယ့် တချို့သောအပြောင်းအရွှေ့တွေအတွက်ဆိုရင် ဖုတ်ပူမီးတိုက်ဆန်ပြီး အကျိုးဖြစ်ထွန်းမှုမှာ အားနည်းချက်တွေ ရှိတယ်။