ယူရို ၂၀၂၄ ပြိုင်ပွဲတွင် အင်္ဂလန်အသင်း၏ပွဲစဉ်များကို ကြည့်ရှုအားပေးသည့် ပရိသတ်များအနေဖြင့် ကျန်းမာရေး ဆိုးဆိုးရွားရွားထိခိုက်နိုင်ကြောင်း ဗြိတိန်ထိပ်သီး နှလုံးအထူးကုသမားတော်တစ်ဦးက သတိပေးပြောကြားခဲ့သည်။
အင်္ဂလန်အသင်းသည် ယူရို ၂၀၂၄ ပြိုင်ပွဲတွင် ဗိုလ်စွဲရန်ရေပန်းစားနေသော်လည်း ခြေစွမ်းမပြနိုင်သဖြင့် ဝေဖန်မှုများနှင့်ရင်ဆိုင်နေရသည်။
ရှုံးထွက် (၁၆)သင်းအဆင့်ပွဲစဉ်တွင်လည်း အင်္ဂလန်အသင်းသည် ဆလိုဗက်ကီးယားကို (ဝ-၁)ဂိုးဖြင့် ရှုံးနိမ့်နေခဲ့ပြီး (၉၀+၅)မိနစ်တွင် ဘယ်လင်ဟမ်က ချေပဂိုးသွင်းကာ အချိန်ပိုရောက်မှ အနိုင်ရခဲ့ခြင်းဖြစ်သည်။
နာမည်နှလုံးအထူးကုသမားတော် ဒက်ဂ်မိုးက "အင်္ဂလန်ပွဲတွေကို ကြည့်တာက ကျန်းမာရေးကိုဆိုးဆိုးရွားရွား ထိခိုက်စေပါတယ်။ ဆောက်ဂိတ်က ခံစစ်ကစားတာကြောင့် ပရိသတ်တွေ စိတ်တိုရ၊ ဒေါသထွက်ရပြီး ဒါက နှလုံးအတွက် မကောင်းပါဘူး။ ပရိသတ်တွေအနေနဲ့ ခြေစွမ်းမပြနိုင်တဲ့ အင်္ဂလန်ကစားသမားတွေကြောင့် ဒေါသထွက်ရပြီး ဒါက နှလုံးကိုဆိုးရွားစွာထိ ခိုက်စေပါတယ်"ဟု ပြောကြားခဲ့သည်။
