လှိုင်သာယာမြို့နယ် ထိန်ပင်အမှိုက်ပုံ ဇန်နဝါရီ ၂၃ ရက်က မီးလောင်မှု ဖြစ်ပွားခဲ့ကြောင်း သိရသည်။
ဇန်နဝါရီ ၂၃ ရက် နေ့လယ် ၁၂ နာရီခန့်တွင် လှိုင်သာယာမြို့နယ် ထိန်ပင်အမှိုက်ပုံမီးလောင်မှုဖြစ်ပွားကြောင်း သတင်းရသဖြင့် မီးသတ်တပ်ဖွဲ့မှ သွားရောက်မီးငြှိမ်းသတ်ခဲ့ကြောင်း သိရသည်။
အမှိုက်ပုံ မီးလောင်မှုအား လှိုင်သာယာမြို့နယ်မီးသတ်စခန်းမှ မီးသတ်ယာဉ် နှစ်စီး၊ ရေသယ်ယာဉ် နှစ်စီး၊ မြောက်ပိုင်းခရိုင်မီးသတ်စခန်းမှ အုပ်ချုပ်မှုယာဉ် တစ်စီး၊ ရေသယ်ယာဉ် တစ်စီး၊ ရွှေလင်ဗန်းသီးသန့်မီးသတ်စခန်းမှ ရေသယ်ယာဉ် နှစ်စီးတို့ဖြင့် ထွက်ခွာငြှိမ်းသတ်ခဲ့ကြောင်း သိရသည်။
အဆိုပါမီးလောင်မှုအား မီးသတ်တပ်ဖွဲ့မှ တစ်နာရီခန့် မီးငြှိမ်းသတ်ခဲ့ရကြောင်း သိရသည်။
လက်ရှိအချိန်တွင် ဆက်လက်မီးကူးဆက်မှု မရှိစေရန် အမှိုက်ပုံအောက်ခြေအထိ မီးငြိမ်းသတ်မှု ဆက်လက်လုပ်ဆောင်နေရကြောင်း သိရသည်။
