မန္တလေးမြို့တွင် ဖခင်ထံ သားဖြစ်သူမှ ပိုက်ဆံတောင်း ထိုးကြိတ်ပြီး အိမ်မီးရှို့မှု အောက်တိုဘာ ၂၆ ရက်ကဖြစ်ပွားခဲ့ကြောင်း သတင်းရရှိသည်။
အောင်မြေသာစံမြို့နယ် ၊ပြည်ကြီးရန်လုံရပ်ကွက်၊၁ရလမ်း ၊၈၆လမ်းနှင့် ၈ရလမ်းတွင်နေထိုင်သူ ဦးမန်းလွင်အား ၎င်း၏သား အောင်မျိုးလွင်မှ ၎င်းအား ပိုက်ဆံ သိန်းသုံးရာ တောင်းရာမှ သားအဖခြင်း စကားများ ရန်ဖြစ်ခဲ့ကြောင်း သိရသည် ။
ထို့နောက် သားဖြစ်သူသည် ၎င်းအား လက်သီးဖြင့်ထိုးခြင်း၊ ထုနှက်ရိုက်ခြင်းများပြုလုပ်ခဲ့ရာ လက်သန်းပြတ်ရှ ဒဏ်ရာများ ရရှိခဲ့သဖြင့် ရပ်ကွက်ရုံးသို့ တိုင်တန်းခဲ့ခြင်း ဖြစ်သည်။
ထိုသို့တိုင်ကြားရာတွင် အိမ်ခြံဝင်းတံခါးသော့ခတ်ကာပြေးလာရခြင်းဖြစ်ကြောင်း၊ သားဖြစ်သူသည် ဂတ်စ်ဘူး ဖြင့် အိမ်အားမီးရှို့နေကြောင်း သတင်းပို့တိုင်တန်းခဲ့ရာဖမ်းဆီးခေါ်ဆောင်ခဲ့ပြီး သက်ဆိုင်ရာနယ်မြေ ရဲစခန်းတွင် အရေးယူရန်ဆောင်ရွက်နေကြောင်း စုံစမ်းသိရသည်။
