မန္တလေးမြို့ မန်းမြို့ဈေးအနီးရှိ ရွှေဆိုင်တစ်ဆိုင် ဓားပြတိုက်ခံရပြီး ရွှေသုံးပိဿာခန့်နှင့် ကျပ်သိန်းနှစ်ရာခန့် ယူဆောင်သွား
မန္တလေးမြို့ မန်းမြို့စျေးအနီးရှိ ဆယ်သန်းရွှေဆိုင် ဓားပြတိုက်ခံရမှု ဇန်နဝါရီ ၁၉ ရက် နံနက် ၈ နာရီခန့်က ဖြစ်ပွားခဲ့ပြီး ရွှေသုံးပိဿာခန့်နှင့် ကျပ်သိန်းနှစ်ရာခန့် ယူဆောင်သွားကြောင်း သတင်းရရှိသည်။
မဟာအောင်မြေမြို့နယ်၊ စံဝင်းရပ်၊ ၈၄ လမ်းနှင့် ၈၅ လမ်းကြား၊ ၃၉ လမ်းတွင် ဖွင့်လှစ်ထားသော ဆယ်သန်းရွှေဆိုင်သို့ အမည်မသိလူငယ်သုံးဦးမှ ဆိုင်ကယ်ဖြင့် ရောက်ရှိလာပြီး သေနတ်ပြကာ ဓားပြတိုက်မှု ကျူးလွန်ခဲ့ကြခြင်းဖြစ်ကြောင်း သိရသည်။
ထို့နောက် ရွှေဆိုင်အတွင်း ကောင်တာတွင်းမှ ရွှေထည်များ ထည့်ထားသည့် ဗန်းနှစ်ဗန်းအတွင်းရှိ ခန့်မှန်းရွှေချိန် သုံးပိဿာခန့်နှင့် ကျပ်သိန်းနှစ်ရာခန့် ယူဆောင်သွားခဲ့သည်ဟု စုံစမ်းသိရှိရသည်။
