အတ္တလန်တာ - လက်ချီ (မြန်မာစံတော်ချိန် ဒီဇင်ဘာ ၃၀ ရက် ည ၆:၀၀ နာရီ)
လက်ချီက အထက်မရောက်၊ အောက်မရောက်အသင်းဖြစ်ပြီး ကွင်းတွင်းခြေစွမ်းကလည်း သာမန်ထက်မပိုပါဘူး။ အတ္တလန်တာက အိမ်ကွင်းနောက်ဆုံး (၂)ပွဲမှာ (၇)ဂိုးအထိသွင်းနိုင်ခဲ့တယ်။ အိမ်ရှင်ဘက်က ရပ်တည်သင့်တယ်။
ကာဂလီယာရီ - အမ်ပိုလီ (မြန်မာစံတော်ချိန် ဒီဇင်ဘာ ၃၀ ရက် ည ၈:၃၀ နာရီ)
တန်းဆင်းဇုန်ထဲက (၂)သင်းထိပ်တိုက်တွေ့ဆုံတဲ့ပွဲဖြစ်ပြီး လက်ရှိခြေစွမ်းအရလည်း ကွာဟချက်နည်းပါးပါတယ်။ ဒါပေမဲ့ အိမ်ကွင်းအားသာချက်ရှိတဲ့ ကာဂလီယာရီကို ကြိုက်တယ်။ ဂိုးနည်းနိုင်တယ်။
အူဒီးနီးစ် - ဘိုလော့ဂ်နာ (မြန်မာစံတော်ချိန် ဒီဇင်ဘာ ၃၀ ရက် ည ၈:၃၀ နာရီ)
အူဒီးနီးစ်က စီးရီးအေနောက်ဆုံး (၆)ပွဲဆက် နိုင်ပွဲပျောက်ဆုံးနေပြီး ပေးဂိုးနှုန်းလည်း မြင့်လာတာတွေ့ရတယ်။ ဒါကြောင့် ဘိုလော့ဂ်နာကို တားဆီးဖို့တော့ သိပ်ပြီး မလွယ်ကူနိုင်ဘူး။ အဝေးကွင်းဖြစ်ပေမဲ့ ဘိုလော့ဂ်နာကို ရွေးချယ်ချင်တယ်။
ဗီရိုနာ - ဆလာနီတာနာ (မြန်မာစံတော်ချိန် ဒီဇင်ဘာ ၃၀ ရက် ည ၁၁:၃၀ နာရီ)
ဗီရိုနာက ဖီအိုရင်တီးနားကို အနိုင်ယူပြီး တန်းဆင်းဇုန်ထဲက ရုန်းထွက်နိုင်ခဲ့တယ်။ ဆလာနီတာနာကလည်း နောက်ဆုံးပွဲမှာ အေစီမီလန်ကို သရေကစားခဲ့ပြီး ပွဲတိုင်းကို ဖိဖိစီးစီးကစားနေတယ်။ ဆလာနီတာနာကို ကြိုက်တယ်။
အေစီမီလန် - ဆာဆူအိုလို (မြန်မာစံတော်ချိန် ဒီဇင်ဘာ ၃၀ ရက် ည ၁၁:၃၀ နာရီ)
အေစီမီလန်က အဝေးကွင်းဆိုရင် ကျဆင်းတတ်ပေမဲ့ အိမ်ကွင်းကစားပုံကတော့ အားရစရာကောင်းဆဲပါ။ အိမ်ကွင်း နောက်ဆုံး (၃)ပွဲဆက် အနိုင်ရခဲ့ပြီး သွင်းဂိုးတွေကိုလည်း ခပ်လွယ်လွယ်ရလာတာ တွေ့ရတယ်။ ဆာဆူအိုလိုကတော့ သာမန်ထက်မပိုတဲ့ အသင်းလို့ ဆိုရမှာဖြစ်ပြီး ခံစစ်ကလည်း ဂိုးတွေတောက်လျှောက်ပေးနေရတယ်။ အေစီမီလန်အသင်း အိမ်ကွင်းမှာ ဂိုးမိုးရွာလိမ့်မယ်။
ဂျူဗင်တပ်စ် - ရိုးမား (မြန်မာစံတော်ချိန် ဒီဇင်ဘာ ၃၁ ရက် နံနက် ၂:၁၅ နာရီ)
နည်းပြ အယ်လီဂရီရဲ့ ဂျူဗင်တပ်စ်က ပြီးခဲ့တဲ့ရာသီနဲ့ ခြားနားတဲ့ပုံစံကို ပြသနေတယ်။ ရာသီဝက်မကျိုးခင်အထိ ရလဒ်ကောင်းတွေ တောက်လျှောက်ရယူနေတယ်။ ဗလာဟိုဗစ်က အရမ်းအားကိုးရပြီး ပြိုင်ဘက်ခံစစ်ကစားသမားတွေကို အကြိမ်ကြိမ်ဒုက္ခပေးနိုင်တဲ့ ကစားသမားဖြစ်တယ်။ ရိုးမားက အဝေးကွင်းနောက်ဆုံးပွဲမှာ ဘိုလော့ဂ်နာကို ရှုံးခဲ့တယ်။ ဒါ့အပြင် ရိုးမားရဲ့ ဒီရာသီအဝေးကွင်းစွမ်းဆောင်ရည်ကိုကြည့်ရလည်း အားရစရာသိပ်မရှိဘူးလို့ ဆိုရမယ်။ ပြီးခဲ့တဲ့ ရာသီက (၂)ကျော့စလုံးမနိုင်ခဲ့ပေမဲ့ ဒီပွဲတော့ ဂျူဗင်တပ်စ်ကို ကြိုက်တယ်။
