ချာကာက လူကြမ်းကြီးပါ၊ ပြိုင်ဘက်တွေက လူညစ်ကြီးလို့ ပြစ်တင်ကြတယ်။ သူကျင်လည်ရာ နယ်ပယ်အတွက် ချာကာက လူကြမ်းကြီးဖြစ်ဖြစ်၊ လူညစ်ကြီးဖြစ်ဖြစ်၊ ဘာမဆိုဖြစ်ရဲပါတယ်။ ရီးယဲလ်နောက်ခံလူဟောင်း ရာမို့စ်လိုပေါ့။ ချာကာလည်း လူကြမ်းကြီးပေမဲ့ အသည်းနုပါတယ်။ အာဆင်နယ်နဲ့ ပတ်သက်ရင် သူ့နှလုံးသားဟာ နုခဲ့ဖူးတယ်။ တစ်ချိန်တုန်းက အာဆင်နယ်ပရိသတ်တွေဟာ ချာကာကို ဆဲဆိုဖူးတယ်။ အာဆင်နယ်ပရိသတ်တွေဟာ ချာကာရဲ့နာမည်ကို သီချင်းလုပ်ဆိုဖူးတယ်။ တကယ်ဆိုရင် ချာကာရဲ့ အကောင်းဆုံးအချိန်မှာ အာဆင်နယ် ဆုံးရှုံးခဲ့ရတာပါ။