အိမ်ခြေ ၄၀၀ ခန့်ရှိသော မင်္ဂလာဒုံမြို့နယ်၊ ပျဉ်းမပင်ကျေးရွာအုပ်စု၊ မြဲမြံအောင် စိုက်ခင်းရပ်တွင်းရှိ ကျူးကျော်နေအိမ်များအား ယနေ့ (ဇန်နဝါရီလ ၂၅ ရက်) အတွင်း အပြီးဖယ်ရှား ရှင်းလင်းပေးရန် သက်ဆိုင်ရာမှ အသိပေး အကြောင်းကြားထားကြောင်း သိရသည်။
ယခုအချိန်တွင် ယင်းကျူးကျော်တဲများ အနီးတွင် ရဲအင်အားအချို့မှ လုံခြုံရေးရယူထားပြီး ဘူဒိုဇာများလည်း ရောက်ရှိနေကာ အချို့အိမ်များသည် မိမိအိမ်များကို ကိုယ်တိုင် ဖျက်ယူနေကြကြောင်းလည်း သိရသည်။
