တူရကီကလပ် အဒါနာဒီမီစပေါအသင်းတွင် ကစားနေသည့် အီတလီတိုက်စစ်မှူး ဘာလိုတယ်လီက ရိုးမားတိုက်စစ်မှူး လူကာကူထက် အင်တာမီလန်တိုက်စစ်မှူး မားကပ်စ်သူရမ်က ပိုကောင်းကြောင်း ပြောကြားခဲ့သည်။

ရိုးမားတိုက်စစ်မှူး လူကာကူသည် ယခုရာသီ စီးရီးအေ (၃) ပွဲတွင် (၂) ဂိုးသွင်းယူထားပြီး အင်တာမီလန်တိုက်စစ်မှူး မားကပ်စ်သူရမ်သည် စီးရီးအေ (၆) ပွဲတွင် (၂) ဂိုးသာ သွင်းယူထားသည်။

သို့သော် ဘာလိုတယ်လီက မိမိအနေဖြင့် လူကာကူထက် မားကပ်စ်သူရမ်ကို ပိုကြိုက်ကြောင်း ပြောကြားခဲ့ခြင်းဖြစ်သည်။

ဘာလိုတယ်လီက ''ကျွန်တော်ကတော့ လူကာကူထက် မားကပ်စ်သူရမ်ကို ပိုကြိုက်ပါတယ်။ ဒါပေမဲ့ အင်တာကို ကွန်တီကိုင်တုန်းက လူကာကူ အရမ်းကောင်းခဲ့တာပါ။ မားကပ်စ်က နည်းစနစ်ပိုင်း ပိုကျွမ်းကျင်ပြီး အသင်းဖော်တွေနဲ့ ချိတ်ဆက်တာ ပိုကောင်းတယ်။ လူကာကူကတော့ ပါ၀ါပိုကောင်းတဲ့ ကစားသမားပါ။ ကျွန်တော့်အနေနဲ့ ဒီရာသီ စီးရီးအေချန်ပီယံဆုကို အင်တာပဲ ရမယ်ထင်ပါတယ်''ဟု ဆိုခဲ့သည်။