တကယ်ဆိုရင် တန်ဟက်ဂ်ဟာ ဘောလုံးအားကစားနည်းနဲ့မှ ကျော်ကြားရမယ့်သူ မဟုတ်ဘူး။ လူချမ်းသာမျိုးရိုးက ဆင်းသက်လာသူဟာ ရွေးချယ်စရာလမ်းကြောင်းများစွာ ရှိနေပါတယ်။ ဒါပေမဲ့ ဘောလုံးအားကစားနည်းနဲ့ပဲ ကျော်ကြားသူ ဖြစ်ချင်ခဲ့တယ်။ သူ့ဆီမှာခိုင်မာတဲ့ အကြောင်းပြချက် ရှိနေပါတယ်။ နယ်သာလန်အရှေ့ပိုင်း၊ ဟက်စ်ဘာဂျန်ကနေ လာသူဟာ ရည်မှန်းချက်ကြီးပြီး က မ္ဘာ့အကောင်းဆုံးနည်းပြတစ်ဦးဖြစ်လာဖို့ စိတ်ကူးယဉ်နေသူပါ။ အမ်စတာဒမ်၊ ရော့တာဒမ်နဲ့ သည်ဟိဂ်က လူတွေလောက် ခမ်းနားတဲ့ သမိုင်းကြောင်းမရှိတဲ့ ဟက်စ်ဘာဂျန်ရဲ့ဂုဏ်ကို တန်ဟက်ဂ် မြှင့်တင်ပေးချင်တယ်။ သူ့အဖေက တန်ဟက်ဂ်ကို စီးပွားရေးသမားပဲ ဖြစ်စေချင်တာ၊ သူ့ရဲ့ တခြားသားတွေလိုပဲ တန်ဟက်ဂ်ကို သန်းကြွယ်သူဌေးဖြစ်စေချင်တာ၊ ဒါပေမဲ့ တန်ဟက်ဂ်က ဘောလုံးမှ ဘောလုံးပဲ။