စပါးအသင်းခေါင်းဆောင် ဂိုးသမား ဟူဂိုလိုရစ်က ပြီးခဲ့သည့် ဇန်နဝါရီလအတွင်း အသင်းနှင့် သက်တမ်းတိုးခဲ့ခြင်းမှာ နည်းပြသစ် ကွန်တီကြောင့်ဖြစ်ကြောင်း ပြောကြားခဲ့သည်။
လိုရစ်(၃၅ နှစ်)သည် အစောပိုင်းက စပါးအသင်းနှင့် စာချုပ်သက်တမ်းတိုးရန် မတင်မကျဖြစ်နေပြီး လာမည့်နွေရာသီ၌ လမ်းခွဲဖွယ်ရှိကြောင်းလည်း သတင်းထွက်ခဲ့သည်။
သို့သော် ဇန်နဝါရီအပြောင်းအရွှေ့တွင် ၂၀၂၄ ခု နှစ်အထိ သက်တမ်းရှိမည့် စာချုပ်သစ် ချုပ်ဆိုနိုင်ခဲ့ခြင်းဖြစ်သည်။
ယင်းအခြေအနေအတွက် လိုရစ်က ''ပြီးခဲ့တဲ့နှစ်တွေအတွင်း ကျွန်တော်တို့ နိမ့်မြင့်တက်ကျတွေ ရှိခဲ့ပါတယ်။ ဒါပေမဲ့ ကွန်တီရောက်လာတဲ့နောက် တိုးတက်မှုရှိလာတယ်လို့ ခံစားရတာကြောင့် သက်တမ်းတိုးခဲ့တာပါ''ဟု ဆိုခဲ့သည်။
