ဘာစီလိုနာအသင်းမှ စပိန်တိုက်စစ်ကစားသမား ဖယ်ရန်တောရက်စ်ကို ခေါ်ယူလိုသည့်အသင်းများထဲတွင် အာဆင်နယ်အသင်းလည်း ပါဝင်လာကြောင်း သိရသည်။
ဖယ်ရန်တောရက်စ်(၂၄ နှစ်)သည် ဘာစီလိုနာအသင်းနှင့် ၂၀၂၇ ခုနှစ်အထိ စာချုပ်ချုပ်ဆိုထားသူဖြစ်ပြီး ယူရို(၁)ဘီလီယံတန် လျော်ကြေးစာချုပ် ချုပ်ဆိုထားသူလည်းဖြစ်သည်။
သို့သော် ၎င်းအနေဖြင့် ဘာစီလိုနာအသင်းတွင် ပုံမှန်ပွဲကစားခွင့်မရသည့်အတွက် ပရီးမီးယားလိဂ်အသင်းများက ခေါ်ယူရန် ချိန်ရွယ်နေကြခြင်းဖြစ်ပြီး အာဆင်နယ်အသင်းပါ ပါဝင်လာခြင်းဖြစ်သည်။
အာဆင်နယ်အသင်းသည် အသင်း၏တိုက်စစ်ပိုင်းကို အားဖြည့်ရန် စီစဉ်နေပြီး နယူးကာဆယ်တိုက်စစ်မှူး အီဆက်ခ်၊ စပို့တင်းလစ္စဘွန်းတိုက်စစ်မှူး ဂျိုကာရက်စ်တို့အပြင် ယခုအခါ ဘာစီလိုနာတိုက်စစ်ကစားသမား ဖယ်ရန်တောရက်စ်ကိုပါ ပစ်မှတ်ထားလာခြင်းဖြစ်သည်။
ဖယ်ရန်တောရက်စ်သည် ယခုရာသီတွင် ဘာစီလိုနာအသင်းအတွက် ပြိုင်ပွဲစုံ (၉) ပွဲ ကစားခွင့်ရထားသော်လည်း အများစုမှာ လူစားဝင်အဖြစ်သာ ပါဝင်ကစားခွင့်ရခဲ့ခြင်းဖြစ်သည်။
ဘာစီလိုနာအသင်းသည် လာမည့် ၂၀၂၅ နွေတွင် မန်စီးတီးတိုက်စစ်မှူး ဟာလန်းအား ခေါ်ယူရန် ပစ်မှတ်ထားနေရာ အသင်းရှိ ကစားသမားအချို့ကို ရောင်းထုတ်ဖွယ်ရှိပြီး ရောင်းထုတ်မည့်ကစားသမားစာရင်းတွင် ဖယ်ရန်တောရက်စ်လည်း ပါဝင်နေကြောင်း စပိန်မီဒီယာများက ဖော်ပြနေကြသည်။
