ဒူးအရွတ်စုတ်ပြဲဒဏ်ရာကြောင့် အနားယူနေရသည့် မန်စီးတီးကွင်းလယ်ကစားသမား ရိုဒရီက ၎င်းအနေဖြင့် ယခုရာသီမကုန်မီ ပြန်ကစားနိုင်ရန်မျှော်လင့်ကြောင်း ပြောကြားခဲ့သည်။

၂၀၂၄ Ballon d'Or ဆုရှင် ရိုဒရီသည် စက်တင်ဘာ (၂၂)ရက်က ကစားခဲ့သည့် ပရီးမီးယားလိဂ်ပွဲစဉ် မန်စီးတီး(၂-၂)အာဆင်နယ်ပွဲတွင် ACL (ဒူးအရွတ်စုတ်ပြဲ)ဒဏ်ရာရရှိခဲ့ပြီး ယခုရာသီကုန်ထိ အနားယူရမည်ဟု သတင်းထွက်နေသည်။ သို့သော် ခွဲစိတ်ကုသမှုအောင်မြင်ပြီးနောက် ဒဏ်ရာပြန်သက်သာရန် ကြိုးပမ်းနေသည့် ရိုဒရီ(၂၈ နှစ်)က ''ဒီရာသီမှာ ပြန်ကစားနိုင်ဖို့ ကျွန်တော် မျှော်လင့်ပါတယ်။ ကျွန်တော် လမ်းလျှောက်နိုင်ပြီးဖြစ်ပြီး ထင်ထားတာထက် ပိုမြန်မယ်လို့ ခံစားရပါတယ်''ဟု ပြောကြားခဲ့သည်။ 

မန်စီးတီးအသင်းသည် ရိုဒရီ အနားယူနေရချိန်တွင် ရလဒ်ဆိုးများနှင့် ရင်ဆိုင်ခဲ့ရသည့်အတွက် ဇန်နဝါရီအပြောင်းအရွှေ့တွင် ကစားသမားသစ် အားဖြည့်ခေါ်ယူရန် စီစဉ်နေကြောင်းလည်း သိရသည်။