ဆာလ်ဇ်ဘာ့ဂ်ရဲ့ လူငယ်ဖွံ့ဖြိုးရေးစီမံကိန်းတွေမှာ အဓိကကျတဲ့ ထောက်တိုင်တစ်ခုက လူငယ်ကင်းထောက်စနစ်ပါပဲ။ ကင်းထောက်ဧရိယာကို ကမ္ဘာ့နေရာအနှံ့၊ တိုက်ကြီးအသီးသီးမှာ လွှမ်းခြုံထားတယ်။ အသင်းက ထုတ်ပြန်ထားတဲ့ ကင်းထောက်ခြင်းလုပ်ငန်းစဉ်အရ ဆာလ်ဇ်ဘာ့ဂ်အသင်းက ပြည်တွင်းမှာ အကယ်ဒမီထွက် လူငယ်တွေ ထွက်ပေါ်လာရေးကို ဦးစားပေးလုပ်ဆောင်တယ်။ ကမ္ဘာအနှံ့က လူငယ်တွေကို သိမ်းသွင်းရာ မှာတော့ ပိုမိုကျယ်ပြန့်တဲ့ကွန်ရက်ကို အသုံးပြုပြီး အသက် (၁၆)နှစ်တန်းကစားသမားတွေကို ဦးစားပေးခေါ် ယူတယ်။ ဒါပေမဲ့ ကစားသမားတစ်ဦးချင်းစီကို အချိန်အကြာကြီး အလေးပေး စောင့်ကြည့်တယ်။ ဒီလိုပုံစံအတိုင်း (၁၈၊ ၁၉) လောက် ရောက်တာနဲ့ အဆင်သင့်သုံးခဲ့တဲ့ ကြယ်ပွင့်တွေ အများကြီးပဲ။