နိုင်ငံ​တော်စီမံအုပ်ချုပ်​ရေး​ကောင်စီဥက္ကဌ၊ နိုင်ငံ​တော်ဝန်ကြီးချုပ် ဗိုလ်ချုပ်မှူးကြီးမင်း​အောင်လှိုင်သည် ယ​နေ့(ဒီဇင်ဘာ ၅ ရက်) နံနက်ပိုင်းက အမျိုးသားဒီမိုက​ရေစီအဖွဲ့ချုပ်(NLD) နာယကဖြစ်သူ ကာကွယ်​ရေးဦးစီးချုပ်(ဟောင်း) ဗိုလ်ချုပ်ကြီး(​ဟောင်း) ဦးတင်ဦး၊ ဗိုလ်ချုပ်ကြီး(အငြိမ်းစား) ဦးခင်ညွန့်နှင့် စည်သူ ဘိုက​လေးတင့်​​အောင်တို့အား သွား​ရောက်​တွေ့ဆုံခဲ့​ကြောင်း နိုင်ငံ​တော်စီမံအုပ်ချုပ်​​ရေး​ကောင်စီ သတင်းထုတ်ပြန်​ရေးအဖွဲ့က သတင်း ထုတ်ပြန်ထားသည်။

နိုင်ငံ​တော်စီမံအုပ်ချုပ်​ရေး​ကောင်စီဥက္ကဋ္ဌ၊ နိုင်ငံ​တော်ဝန်ကြီးချုပ် ဗိုလ်ချုပ်မှူးကြီးမင်း​အောင်လှိုင်နှင့် အဖွဲ့ဝင်များသည် ဗဟန်းမြို့နယ်၊ သံလွင်လမ်း​ရှိ တပ်မ​တော်ကာကွယ်​ရေးဦးစီးချုပ်(​ဟောင်း)နှင့် အမျိုးသားဒီမိုက​ရေစီအဖွဲချုပ် နာယက ဗိုလ်ချုပ်ကြီး(​ဟောင်း) ဦးတင်ဦး၏ ​နေအိမ်သို့ သွား​ရောက်၍ ကျန်းမာ​ရေးအ​ခြေအ​နေများအား ​မေးမြန်းခဲ့​ကြောင်း၊ ထို့ပြင် အဖွဲ့ဝင်အဖြစ် လိုက်ပါလာသည့် ​ကောင်စီအဖွဲ့ဝင်၊ တွဲဖက်အတွင်း​ရေးမှူး၊ ပြည်​ထောင်စုဝန်ကြီးများ၊ တပ်မ​တော်အရာရှိကြီးများနှင့် မိတ်ဆက်​ပေးခဲ့ပြီး ဦးတင်ဦး၏ ကျန်းမာ​ရေးအ​ခြေအ​နေများနှင့်ပတ်သက်၍ လိုအပ်ချက်များရှိပါက အချိန်တိုအတွင်း ဖြည့်ဆည်း​ဆောင်ရွက်​ပေးနိုင်​ရေး၊ တပ်မ​တော်​ဆေးရုံများတွင် လိုအပ်သည့် ​ဆေးကုသမှုများ ခံယူနိုင်​ရေးတို့အတွက် တာဝန်ရှိသူများနှင့် ညှိနှိုင်း​​ဖြည့်ဆည်းဆောင်ရွက်​ပေးကာ အားဖြည့်ငှက်သိုက်များနှင့် တပ်မ​တော်စက်ရုံထုတ် စား​သောက်ဖွယ်ရာပစ္စည်းများအား ​​ပေးအပ်ခဲ့​​ကြောင်း ထုတ်ပြန်ချက်တွင် ​ဖော်ပြထားသည်။

နိုင်ငံ​တော်စီမံအုပ်ချုပ်​ရေး​ကောင်စီဥက္ကဋ္ဌ၊ နိုင်ငံ​တော်ဝန်ကြီးချုပ် ဗိုလ်ချုပ်မှူးကြီးမင်း​အောင်လှိုင်နှင့် အဖွဲ့ဝင်များသည် မရမ်းကုန်းမြို့နယ်ရှိ နိုင်ငံ​တော်​အေးချမ်းသာယာ​ရေးနှင့် ဖွံ့ဖြိုး​​ရေး​ကောင်စီ၊ ဝန်ကြီးချုပ်(​ဟောင်း) ဗိုလ်ချုပ်ကြီး(အငြိမ်းစား) ဦးခင်ညွန့်အား သွား​​ရောက်​တွေ့ဆုံ၍ ကျန်းမား​ရေးအ​ခြေအ​နေများအား ​မေးမြန်းခြင်း၊ ကျန်းမာ​ရေး အ​ခြေအ​နေများနှင့်ပတ်သက်၍ လိုအပ်ချက်များရှိပါက အချိန်တိုအတွင်း ဖြည့်ဆည်း​ဆောင်ရွက်​ပေးနိုင်​ရေး၊ တပ်မ​တော်​ ဆေးရုံများတွင် လိုအပ်သည့် ​ဆေးကုသမှုများ ခံယူနိုင်​ရေးတို့အတွက် တာဝန်ရှိသူများနှင့် ညှိနှိုင်း​​ဖြည့်ဆည်းဆောင်ရွက်​ပေးကာ အားဖြည့်ငှက်သိုက်များနှင့် တပ်မ​တော်စက်ရုံထုတ် စား​သောက်ဖွယ်ရာပစ္စည်းများအား ​​ပေးအပ်ခဲ့​​ကြောင်း၊ ထို့ပြင် မြန်မာနိုင်ငံ၏ နိုင်ငံ​​ရေးဖြစ်​ပေါ်​ပြောင်းလဲမှု အ​ခြေအ​နေ၊ ​နေပြည်​တော်တွင် တည်ထားပူ​ဇော်မြင့် "မာရဝိဇယ"ဗုဒ္ဓရုပ်ပွား​တော်မြတ်ကြီး တည်ထားပူ​​ဇော်​ရေး လုပ်ငန်း ​​ဆောင်ရွက်​နေမှု အ​ခြေအ​နေများကိုလည်း တင်ပြခဲ့​​ကြောင် ထုတ်ပြန်ချက်တွင် ​ဖော်ပြထားသည်။

ဆက်လက်၍ နိုင်ငံ​တော်စီမံအုပ်ချုပ်​ရေး​ကောင်စီဥက္ကဋ္ဌ၊ နိုင်ငံ​တော်ဝန်ကြီးချုပ် ဗိုလ်ချုပ်မှူးကြီးမင်း​အောင်လှိုင်နှင့် အဖွဲ့ဝင်များသည် ဗဟန်းမြို့နယ်၊ ​ရွှေဂုံတိုင်ရှိ SSC အထူးကု​ဆေးရုံကြီးတွင် တက်​ရောက် ​ဆေးကုသမှု ခံယူလျက်ရှိ​သည့် စည်သူ ဘိုက​လေးတင့်​အောင် အား သွား​​​ရောက်ကြည့်ရှုပြီး ကျန်းမာ​ရေး အ​ခြေအ​နေများနှင့်ပတ်သက်၍ မိသားစုဝင်များကို ​မေးမြန်းကာ ကျန်းမာ​ရေးကုသမှုအတွက် ​ထောက်ပံ့​ငွေများ၊ အားဖြည့်ငှက်သိုက်များနှင့် တပ်မ​တော်စက်ရုံထုတ် စား​သောက်ဖွယ်ရာပစ္စည်းများအား ​​ပေးအပ်ခဲ့​​ကြောင်း ထုတ်ပြန်ချက်တွင် ​ဖော်ပြထားသည်။