ကြွက်သားဒဏ်ရာကြောင့် အနားယူနေရသည့် အင်တာမီလန်ဝါရင့်တောင်ပံကစားသမား ဆန်းချက်ဇ်သည် ဆမ်ဒိုးရီးယားနှင့်ပွဲတွင် ပါဝင်လာဖွယ်ရှိနေကြောင်း သိရသည်။
ဆန်းချက်ဇ်(၃၂ နှစ်)သည် ကြွက်သားဒဏ်ရာကြောင့် ယခုရာသီတွင် အင်တာမီလန်အတွက် ကစားနိုင်ခြင်းမရှိသေးသော်လည်း ယခုအခါ အသင်းနှင့်အတူ လေ့ကျင့်ခန်းပြန်ဆင်းနေပြီဖြစ်သည်။
ထို့ကြောင့် ဆန်းချက်ဇ်အနေဖြင့် စက်တင်ဘာ (၁၂)ရက်တွင် ဆမ်ဒိုးရီးယားအသင်းနှင့်ကစားမည့် စီးရီးအေအဝေးကွင်းပွဲစဉ်တွင် ပါဝင်လာဖွယ်ရှိနေပြီး အရန်ကစားသမားအဖြစ် လူစားဝင်ကစားဖွယ်ရှိနေကြောင်း အီတလီမီဒီယာများက ဖော်ပြခဲ့ကြသည်။
