မန်ယူအသင်းသည် ရာသီကြိုကာလ၌ ခြေစမ်းပွဲ(၄)ပွဲ ယှဉ်ပြိုင်ကစားသွားရန် စီစဉ်ထားရာမှ ယခုအခါ ပရက်စတန်အသင်းနှင့် ထပ်မံခြေစမ်းမည်ဖြစ်ကြောင်း အတည်ပြုကြေညာခဲ့သည်။
မန်ယူအသင်းသည် မူလက ဒါဘီ၊ QPR၊ ဘရန့်ဖို့ဒ်၊ အဲဗာတန်အသင်းတို့ ခြေစမ်းကစားရန် စီစဉ်ထားခြင်းဖြစ်ပြီး ဇူလိုင်(၁၈၊ ၂၄၊ ၂၈) နှင့် သြဂုတ်(၇)တို့တွင် ယှဉ်ပြိုင်သွားမည်ဖြစ်သည်။
ပရက်စတန်နှင့်ပွဲကို ဇူလိုင်(၃၁)တွင် ထပ်တိုးယှဉ်ပြိုင်မည်ဖြစ်ပြီး အဆိုပါခြေစမ်းပွဲ(၅)ပွဲကို အိမ်ကွင်း ၌ (၂)ပွဲ၊ အဝေးကွင်း၌ (၃)ပွဲ ယှဉ်ပြိုင်သွားမည်ဖြစ်ကြောင်းလည်း သိရသည်။
မန်ယူအသင်းသည် အဆိုပါရာသီကြိုခြေစမ်းပွဲအားလုံးကို MUTV တွင် ပြသသွားမည်ဖြစ်သလို၊ ဘရန်ု့ဖို့ဒ်၊ အဲဗာတန်တို့နှင့် ယှဉ်ပြိုင်မည့် အိမ်ကွင်းပွဲစဉ်များအတွက် လက်မှတ်များလည်း ရောင်းချနေပြီဖြစ်ကြောင်း သိရသည်။
