ယူရို-၂၀၂၀ ပြိုင်ပွဲဝင်မည့် အင်္ဂလန်အသင်းလူစာရင်းမှ လီဗာပူးလ်နောက်ခံလူ အာနိုးလ် ချန်လှပ်ခံရဖွယ်ရှိ
Photo: Getty Images
လီဗာပူးလ်အသင်း၏နောက်ခံလူ အာနိုးလ်သည် ယူရို-၂၀၂၀ ပြိုင်ပွဲဝင်မည့် အင်္ဂလန်လက်ရွေးစင်အသင်း၏ လူစာရင်းမှ ချန်လှပ်ခံရဖွယ်ရှိနေကြောင်း သိရသည်။
အာနိုးလ်သည် လက်ရှိရာသီတွင် လီဗာပူးလ်အသင်း၌ ခြေစွမ်းပြနိုင်ခြင်းမရှိသည့်အပြင် နေရာတူပြိုင်ဘက်များဖြစ်သည့် ဝေါ်လ်ကာ၊ ထရစ်ပီယာ၊ ရီးစ်ဂျိမ်းစ်တို့က ခြေစွမ်းပြနေကြသည့်အတွက် အင်္ဂလန်နည်းပြ ဆောက်ဂိတ်က ၎င်းကို ချန်လှပ်ဖွယ်ရှိနေခြင်းဖြစ်ကြောင်း သိရသည်။
ဆောက်ဂိတ်သည် ပြီးခဲ့သည့် မတ်လအတွင်းက ကမ္ဘာ့ဖလားခြေစစ်ပွဲ ယှဉ်ပြိုင်ကစားရာတွင်လည်း အာနိုးလ်ကို ရွေးချယ်ခြင်းမပြုဘဲ ချန်လှပ်ခဲ့ဖူးကြောင်း သိရသည်။
