ဘာစီလိုနာအသင်းမှ အက်သလက်တီကိုအသင်းသို့ ပြောင်းရွှေ့ခဲ့သည့် ဥရုဂွေးတိုက်စစ်မှူး ဆွာရက်ဇ်သည် အက်သလက်တီကိုအသင်း၏ နာမည်ကျော်တိုက်စစ်မှူးဟောင်းများဖြစ်သော ဖယ်လ်ကာအို၊ ဖော်လန်နှင့် ဂရီးဇ်မန်းတို့ထက် ရာသီအဖွင့်စွမ်းဆောင်ရည် ပိုမိုကောင်းမွန်နေကြောင်း စပိန်သတင်းစာ AS က ဖော်ပြခဲ့သည်။
ဆွာရက်ဇ်သည် အက်သလက်တီကိုအသင်းအတွက် လာလီဂါအဖွင့်(၄)ပွဲတွင် (၃)ဂိုးသွင်းယူနိုင်ခဲ့ပြီး ပွဲကစားချိန်မှာ (၂၁၆)မိနစ်သာရှိခဲ့သည်။
ထို့ကြောင့် (၅၄)မိနစ်လျှင် (၁)ဂိုးနှုန်း သွင်းယူနိုင်ခဲ့ခြင်းဖြစ်ပြီး အက်သလက်တီကိုတိုက်စစ်မှူးဟောင်းများထက် သာလွန် ခဲ့ခြင်းဖြစ်သည်။
ဖယ်လ်ကာအိုက (၅၆)မိနစ်လျှင် (၁)ဂိုးနှုန်း သွင်းယူနိုင်ခဲ့ပြီး ဖော်လန်က အဖွင့်(၄)ပွဲတွင် (၁)ဂိုးသာ သွင်းယူနိုင်ခဲ့သလို၊ ဂရီးဇ်မန်းမှာ အဖွင့်(၄)ပွဲတွင် တစ်ဂိုးမျှ သွင်းယူနိုင်ခဲ့ခြင်းမရှိကြောင်း သိရသည်။
အသက် (၃၃)နှစ်အရွယ်ရှိ ဥရုဂွေးဝါရင့်တိုက်စစ်မှူး ဆွာရက်ဇ်သည် ကလပ်ကစားသမားဘဝတွင် ပွဲပေါင်း (၆၅၀) ကစားထားပြီး (၄၂၁)ဂိုး သွင်းယူခဲ့ကာ ဥရုဂွေးလက်ရွေးစင်အသင်းအတွက်လည်း (၁၁၅)ပွဲတွင် (၆၂)ဂိုး သွင်းယူထားသူဖြစ်သည်။
