ဘာစီလိုနာအသင်းခေါင်းဆောင် မက်ဆီသည် အသင်းနှင့် စာချုပ်သစ်ချုပ်ဆိုရန် ဆန္ဒရှိနေကြောင်း စပိန်အားကစားသတင်းစာ Mundo Deportivo က ဖော်ပြခဲ့သည်။
ဘာစီလိုနာအသင်းခေါင်းဆောင် မက်ဆီသည် အသင်းနှင့် စာချုပ်သစ်ချုပ်ဆိုရန် ဆန္ဒရှိနေကြောင်း စပိန်အားကစားသတင်းစာ Mundo Deportivo က ဖော်ပြခဲ့သည်။
အသက် (၃၂)နှစ်အရွယ်ရှိ အာဂျင်တီးနားတိုက်စစ်မှူး မက်ဆီသည် ဘာစီလိုနာအသင်းနှင့် ၂၀၂၁ ခုနှစ်၊ ဇွန်လ (၃၀)ရက်တွင် စာချုပ်သက်တမ်းကုန်ဆုံးမည်ဖြစ်သည်။
ဘာစီလိုနာအသင်းဥက္ကဋ္ဌ ဘာတိုမူက မက်ဆီအား ကစားသမားဘဝကုန်ဆုံးသည်အထိ အသင်းတွင် ဆက်ရှိနေစေလိုကြောင်း ပြောကြားထားသည်။
Mundo Deportivo ၏ ဖော်ပြချက်အရ မက်ဆီသည် ဘာစီလိုနာအသင်းနှင့် တစ်နှစ်ချင်း သက်တမ်းတိုးစာချုပ် ချုပ်ဆိုရန် ဆန္ဒရှိနေကြောင်း သိရသည်။
မက်ဆီသည် ၂၀၀၄ ခုနှစ်တွင် ဘာစီလိုနာအသင်းနှင့်အတူ ပရော်ဖက်ရှင်နယ်ကစားသမားဘဝ စတင်ခဲ့ပြီး ယခုရာသီ ပြိုင်ပွဲစုံ (၂၃)ပွဲတွင် (၁၉) ဂိုးအထိ သွင်းယူထားသည်။
