ရီးယဲလ်မက်ဒရစ်တောင်ပံကစားသမား ဟာဇက်သည် သူ့အနေဖြင့် တစ်နေ့တွင် အသင်းဟောင်း ချယ်လ်ဆီးအသင်းထံ ပြန်လည်ပြောင်းရွှေ့လာမည်ဟု ပြောကြားခဲ့ကြောင်း စပိန်သတင်းစာ Marca က ဖော်ပြခဲ့သည်။
ဟာဇက်သည် ချယ်လ်ဆီးအသင်းတွင် အောင်မြင်သည့်ကစားသမားဘဝကို ပိုင်ဆိုင်ခဲ့ပြီး ယခုရာသီတွင်မှ ရီးယဲလ်အသင်းထံ ပြောင်းရွှေ့ခဲ့ခြင်းဖြစ်သည်။
ဟာဇက်က ''ကျွန်တော် သူတို့ကို လွမ်းပါတယ်။ ဒီမှာ(ရီးယဲလ်မှာ)လုပ်စရာတွေ ပြီးမြောက်တဲ့အခါ ချယ်လ်ဆီးထံ ပြန်လာခဲ့ပါမယ်။ အားတဲ့အချိန်တိုင်းလည်း ချယ်လ်ဆီးပွဲတွေ ကြည့်ဖြစ်ပါတယ်''ဟု ပြောကြားခဲ့ကြောင်း သိရသည်။
ချယ်လ်ဆီးအသင်းတွင်ရှိခဲ့သည့် (၇)ရာသီတွင် ဟာဇက်မှာ (၃၅၂)ပွဲကစားကာ (၁၁၀)ဂိုးအထိသွင်းထားပြီး ပရီးမီးယားလိဂ်ဖလား(၂)ကြိမ်၊ ယူရိုပါလိဂ်ဖလား(၂)ကြိ်မ်၊ FAဖလားနှင့် လိဂ်ဖလားတစ်ကြိမ်စီ ရယူနိုင်ခဲ့သည်။
လက်ရှိရီးယဲလ်အသင်းတွင်မူ ဟာဇက်အနေဖြင့် အခြေကျရန်ရုန်းကန်နေရပြီး (၁၃)ပွဲကစားရာတွင် တစ်ဂိုးသာသွင်းယူထားနိုင်ခဲ့သည်။
