နောက်ပိုင်းနှစ်များတွင် ရလဒ်ဆိုးများနှင့် ရုန်းကန်နေရသည့် အေစီမီလန်အသင်းသည် ပြီးခဲ့သည့် ၂၀၁၈-၁၉ ရာသီတွင် စီးပွားရေးကဏ္ဍများမှ ရရှိခဲ့သည့်ဝင်ငွေလျော့ကျခဲ့ကြောင်း သိရသည်။

အေစီမီလန်အသင်းသည် ပြီးခဲ့သည့်ရာသီက စီးပွားရေးဝင်ငွေ(စပွန်ဆာ၊ ဝတ်စုံစသည့်ပစ္စည်းများရောင်းချမှုနှင့် လူမှုကွန်ရက်မှ ဝင်ငွေများ) ယူရို (၅၆.၈)သန်းရရှိခဲ့ပြီး ယင်းမှာ ၂၀၁၇-၁၈ ရာသီထက် ယူရို (၆)သန်း လျော့ နည်းခဲ့ကြောင်း သိရသည်။ 

ထို့ပြင် အေစီမီလန်အသင်း၏ ၂၀၁၈-၁၉ ရာသီက စီးပွားရေးဝင်ငွေမှာ ပြီးခဲ့သည့် ၂၀၁၅-၁၆ ရာသီက ရရှိခဲ့သည့် ယူရို (၈၆.၅)သန်းနှင့်နှိုင်းယှဉ်လျှင် ယူရိုသန်း (၃၀)လျော့နည်းခဲ့ကြောင်း သိရသည်။