အက်စတွန်ဗီလာနည်းပြ အူနိုင်းအမ်မရီက မိမိတို့အနေဖြင့် ဆုဖလားအောင်ပွဲရယူရန်အတွက် အသင့်ဖြစ်နေပြီဟု ပြောကြားခဲ့သည်။
အက်စတွန်ဗီလာအသင်းသည် ယခုရာသီတွင် ချန်ပီယံလိဂ်ယှဉ်ပြိုင်ခွင့်ရရှိခဲ့ပြီး ယနေ့တွင် ဘိုလော့ဂ်နာအသင်းနှင့် ယှဉ်ပြိုင်ကစားရမည်ဖြစ်သည်။
ယင်းပွဲအတွက် ပြုလုပ်သည့် သတင်းစာရှင်းလင်းပွဲတွင် အူနိုင်းအမ်မရီက ''ကျွန်တော့်ရဲ့ အချိန်တွေကို ဒီနေရာမှာ မဖြုန်းတီးချင်ပါဘူး။ ဒါဟာ ကျွန်တော် ပေးချင်တဲ့ မက်ဆေ့ချ်ပါပဲ။ ကျွန်တော့်ရဲ့ ရည်မှန်းချက်က ချန်ပီယံဆုတွေကို စိန်ခေါ် နိုင်ဖို့ပါ။ ခက်ခဲနိုင်တယ်ဆိုတာ သိပေမဲ့ ကျွန်တော်တို့ ဆုဖလားတွေအတွက် ပြိုင်ဆိုင်သွားဖို့ အသင့်ဖြစ်နေပြီလို့ ထင်ပါတယ်''ဟု ပြောကြားခဲ့သည်။
အက်စတွန်ဗီလာအသင်းသည် ချန်ပီယံလိဂ် နှစ်ပွဲကစားထားရာတွင် ဘိုင်ယန်မြူးနစ်အပါအဝင် နှစ်ပွဲစလုံး အနိုင်ရထားသည်။
ထို့ပြင် ၁၉၉၈ နောက်ပိုင်း အကောင်းဆုံးရာသီအစရလဒ်ပိုင်းကို ပိုင်ဆိုင်ထားကြောင်း သိရသည်။
