ဂျာမနီနှင့် အမေရိကန်လက်ရွေးစင်အသင်းနည်းပြဟောင်း ယာဂင်ကလင်းစမန်းအား ခေါ်ယူရန် နယူးကာဆယ်အသင်းနှင့် အဲဗာတန်အသင်းတို့က အပြိုင်ပစ်မှတ်ထားနေသည်ဟု ပြင်သစ်ဘောလုံးမဂ္ဂဇင်းက ဖော်ပြခဲ့သည်။
နယူးကာဆယ်အသင်းသည် ၎င်းတို့၏ စပိန်လူမျိုးနည်းပြ ဘင်နီတက်ဇ်နှင့် နွေရာသီတွင် လမ်းခွဲရန် စီစဉ်နေပြီး ကလင်းစမန်းကို အစားထိုးလိုနေကြောင်း သိရှိရသည်။
ထို့အတူ အဲဗာတန်အသင်းကလည်း လက်ရှိ ပေါ်တူဂီလူမျိုးနည်းပြ မာကိုဆေးလ်ဗား၏နေရာတွင် အစားထိုးရန် ကလင်းစမန်းကို ရည်ရွယ်ထားကြောင်း ပြင်သစ်ဘောလုံးမဂ္ဂဇင်းက ဖော်ပြခဲ့သည်။
