မဟာမိတ်တပ်ဖွဲ့များက ဆီးရီးယားရှိ IS ခြေကုပ် ရာကာ၌ အဓိက ထိုးစစ်ခံကြောင်းကို ထိုးဖောက်နိုင်ခဲ့

မဟာမိတ်တပ်ဖွဲ့များက ဆီးရီးယားရှိ IS ခြေကုပ် ရာကာ၌ အဓိက ထိုးစစ်ခံကြောင်းကို ထိုးဖောက်နိုင်ခဲ့
Published 6 July 2017

ဆီးရီးယားတွင် အမေရိကန် ကျောထောက်နောက်ခံပေးထားသော တပ်ဖွဲ့များသည် IS တို့၏ ပင်မခြေကုပ်ဖြစ်သော ရာကာ၏ အခိုင်မာဆုံး ခံတပ်နေရာကို ထိုးဖောက် ဝင်ရောက်နေပြီဖြစ်ကြောင်း အမေရိကန်ဗဟို ကွပ်ကဲရေးအဖွဲ့က ဇူလိုင် ၄ ရက်တွင် ကြေညာချက် ထုတ်ပြန်ခဲ့သည်။ ဂျီဟတ်တို့ကို နှိမ်နင်းမှု စစ်ဆင်ရေးတွင် ညွန့်ပေါင်းတပ်ဖွဲ့ဝင်များသည် ရာကာမြို့ဟောင်းကို ဝန်းရံထားသော ရာဖီကာမြို့ရိုးကို နေရာနှစ်ခုမှ ထိုး ဖောက် ဝင်ရောက်နိုင်ခဲ့ပြီဖြစ်ကြောင်း အမေရိကန် ဗဟိုကွပ်ကဲရေးအဖွဲ့က ပြောကြားခဲ့သည်။  ဆီးရီးယား ဒီမိုကရက်တစ်အင်အားစုများသည် မြို့တွင်းသို့ ချီတက်စဉ် ပြင်းထန်သည့် ခုခံမှုနှင့် ရင်ဆိုင်နေခဲ့ရသည်။ IS တို့က မြို့ရိုးကို တိုက်ပွဲခြေကုပ်အဖြစ် အသုံးပြုခဲ့ပြီး မိုင်းများထောင်ထားခြင်းကြောင့် ထိုးဖောက် ဝင်ရောက်မှု၌ ခက်ခဲနေခဲ့သည်။

အမေရိကန်ဦးဆောင်သော ညွန့်ပေါင်းက လေကြောင်းတိုက်ခိုက်မှု၌ အလယ်ခေတ် မြို့ရိုးတွင် အပေါက်နှစ်ပေါက်ဖြစ်ပြီးနောက် မဟာမိတ်များနှင့် တပ်ပေါင်းစုတပ်ဖွဲ့ဝင်များသည် ရာကာမြို့ဟောင်းကို ချိုးဖောက်ဝင် ရောက်နိုင်ခဲ့ပြီဖြစ်ကြောင်း ဗဟိုကွပ်ကဲရေးအဖွဲ့၏ ကြေညာချက်က ဆိုသည်။

Most Read

Most Recent