၂၀၂၆ ကမ္ဘာ့ဖလားတွင် မက္ကဆီကိုအသင်း ၁၆ သင်းအဆင့် တက်ရောက်ပြီးနောက် မက္ကဆီကိုစီးတီးရှိ လမ်းမတွေပေါ်ပြုလုပ်ခဲ့သည့် အောင်ပွဲခံအခမ်းအနား၌ ပရိသတ်လေးဦး သေဆုံးခဲ့ကြောင်း သိရသည်။
မက္ကဆီကိုပရိသတ် တစ်သန်းကျော်သည် အီကွေဒေါနှင့်ပွဲအပြီး မြို့တော်လမ်းများပေါ်သို့ ထွက်လာကာ အောင်ပွဲခံခဲ့ကြခြင်းဖြစ်သည်။
ထိုသို့အောင်ပွဲခံရာ ၁၉ နှစ်အရွယ်ရှိ အမျိုးသမီး၊ ၄၈ နှစ်အရွယ်ရှိ အမျိုးသမီး၊ ၄၄ နှစ်အရွယ်ရှိ အမျိုးသားတို့ သေဆုံးခဲ့ကြောင်း မြို့တော်ကျန်းမာရေးအာဏာပိုင်များက ပြောကြားသည်။
ထိုအထဲတွင် ၃၀ နှစ်အရွယ်ရှိ အမျိုးသားတစ်ဦးသည် ဝက်ရူးပြန်ရောဂါအခံနှင့် ဆေးရုံတွင် သေဆုံးခဲ့ခြင်းဖြစ်ကြောင်း သိရသည်။
မက္ကဆီကိုစီးတီးမြို့တော်ဝန် ဘရူဂါဒါက သေဆုံးသူတွေအတွက် ဝမ်းနည်းကြောင်း သတင်းထုတ်ပြန်ခဲ့သည်။
မက္ကဆီကိုအသင်းသည် ၁၉၈၆ ခုနှစ်ကတည်းက ပထမဆုံးအဖြစ် ရှုံးထွက်အဆင့်တွင် နိုင်ပွဲပြန်ရခဲ့ခြင်းဖြစ်သည်။
