မန်စီးတီးအသင်းသည် ၎င်းတို့အသင်း၏ အဓိကနောက်ခံလူတစ်ဦး ဖြစ်သည့် ခရိုအေးရှားလက်ရွေးစင်နောက်ခံလူ ဂီဗာဒီယိုလ် အား ၂၀၃၀ ခုနှစ်အထိ အသင်းတွင် ဆက်ရှိနေမည့် စာချုပ်သစ်တစ်ရပ် ချုပ်ဆိုရန် စီစဉ်နေပြီဖြစ်ကြောင်း သိရသည်။
ဂီဗာဒီယိုလ် သည် ၂၀၂၂ ကမ္ဘာ့ဖလားပြိုင်ပွဲအပြီးတွင် မန်စီးတီး အသင်းထံသို့ ပြောင်းရွှေ့ရောက်ရှိလာခဲ့ပြီးနောက် အသင်း၏ခံစစ်ဘယ်ခြမ်းတွင် အဓိကနောက်ခံလူတစ်ဦးအဖြစ် ခြေစွမ်းပြကစားနေသူဖြစ်သည်။
ဂီဗာဒီယိုလ် သည် မန်စီးတီးအသင်းတွင် ခရိုအေးရှားနှင့် လိုက်ပ်ဇစ်အသင်းတို့တွင် ကစားနေသည့် ၎င်း၏ စိတ်ကြိုက်နေရာဖြစ်သည့် နောက်ခံအတွင်းလူနေရာတွင် ကစားခွင့်မရဘဲ ဘယ်နောက်ခံလူအဖြစ် အ သုံးပြုခံနေရသော်လည်း အသင်းအတွက် အရေးပါသည့်ဂိုးများစွာကို သွင်းယူပေးနေသူလည်းဖြစ်သည်။
မန်စီးတီးအသင်းသည် လက်ရှိအချိန်တွင် အသက် ၂၂ နှစ်အရွယ် သာရှိသေးသည် ၎င်း၏ အနာဂတ်အလားအလာအပေါ် အလွန်သဘောကျနေပြီး တစ်ပတ်ပေါင် ၁၅၀၀၀၀ အထိ လစာတိုးမြှင့်ကာ ၂၀၃၀ ခုနှစ်အထိ စာချုပ်သစ်ချုပ်ဆိုရန် စီစဉ်နေခြင်း ဖြစ်ကြောင်း သိရသည်။
