နာပိုလီ - လက်ချီ (မြန်မာစံတော်ချိန် အောက်တိုဘာလ ၂၆ ရက် ည ၇:၃၀ နာရီ)
နည်းပြ ကွန်တီရဲ့ နာပိုလီက အနိုင်ရသင့်တဲ့ပွဲတိုင်းကို အနိုင်ကစားပြီး အမှတ်ပေးဇယားထိပ်ဆုံးမှာ ဦးဆောင်နေတယ်။ နောက်ဆုံးကစားတဲ့ အမ်ပိုလီနဲ့ပွဲမှာ လိုအပ်ချက်တချို့ရှိခဲ့ပေမဲ့ အနိုင် (၃)မှတ်ကိုတော့ ရယူနိုင်ခဲ့တယ်။ လက်ချီက အားနည်းချက်တွေ အရမ်းများပြီး ဖီအိုရင်တီးနားကိုလည်း ဂိုးဒါဇင်ဝက်ပေးခဲ့ရတယ်။ နာပိုလီ အိမ်ကွင်းမှာ ဂိုးပြတ်နိုင်ဦးမှာပါ။ (၃-၁၊ ၃-၀) ရလဒ်တွေ ဖြစ်နိုင်တယ်။
ဘိုလော့ဂ်နာ - အေစီမီလန် (မြန်မာစံတော်ချိန် အောက်တိုဘာလ ၂၆ ရက် ည ၁၀:၃၀ နာရီ)
ဘိုလော့ဂ်နာက ကစားပုံမဆိုးပေမဲ့ ပြီးခဲ့တဲ့ရာသီကလို ပုံစံမျိုးမဟုတ်တော့ဘူး။ နည်းပြ မော့တာမရှိတော့တဲ့နောက် ဘိုလော့ဂ်နာရဲ့ ကွင်းတွင်းခြေစွမ်းက တည်ငြိမ်မှုလျော့နည်းလာတယ်။ အေစီမီလန်ကလည်း စီးရီးအေအဝေးကွင်းနောက်ဆုံးပွဲမှာ ဖီအိုရင်တီးနားကို ရှုံးခဲ့တယ်။ ဒါပေမဲ့ လက်ရှိ အေစီမီလန်ရဲ့ စုဖွဲ့မှုကို ကြည့်ရင်တော့ ဘိုလော့ဂ်နာထက် အားရစရာ ပိုကောင်းပါတယ်။ အဝေးကွင်းဖြစ်ပေမဲ့ အေစီမီလန်အသင်း အနိုင်ကစားသွားဖို့ များတယ်။ အပြန်အလှန်သွင်းဂိုးတွေ မြင်ရနိုင်ပါတယ်။
အတ္တလန်တာ - ဗီရိုနာ (မြန်မာစံတော်ချိန် အောက်တိုဘာလ ၂၇ ရက် နံနက် ၁:၁၅ နာရီ)
အတ္တလန်တာက ဗီရိုနာနဲ့တွေ့ဆုံတဲ့ နောက်ဆုံး (၄)ပွဲမှာ (၃)ပွဲအထိ အနိုင်ရခဲ့တယ်။ ဒါ့အပြင် နောက်ပိုင်းပွဲတွေမှာ ဗီရိုနာရဲ့ ခံစစ်ကစားပုံကလည်း သိသိသာသာကျဆင်းလာတယ်။ အိမ်ကွင်းမှာ အတ္တလန်တာ ဂိုးပြတ်နိုင်ဦးမှာပါ။ (၂)သင်းပေါင်း သွင်းဂိုးများနိုင်တယ်။
