လှိုင်သာယာမြို့နယ်တွင် ဆန်ဂိုဒေါင်မှ အလုပ်သမားတစ်ဦး ဆန်အိတ်ပုံပြိုကျသဖြင့် သေဆုံးမှု စက်တင်ဘာ ၂ ရက်က ဖြစ်ပွားခဲ့သည်။
စက်တင်ဘာ ၂ ရက် နံနက်ပိုင်းတွင် လှိုင်သာယာမြို့နယ် ရွှေလင်ဗန်းစက်မှုဇုန်ရှိ ဆန်ဂိုဒေါင်တစ်ခုတွင် အလုပ်သမားတစ်ဦးပေါ်သို့ ဆန်အိတ်ပုံပြိုကျသဖြင့် သေဆုံးခဲ့ခြင်းဖြစ်ကြောင်း သိရသည်။
ဂိုဒေါင်အတွင်း ဆန်အိတ်များထားရာမှ ပြိုကျခဲ့ခြင်းဖြစ်ကြောင်း သိရသည်။
“ဆန်အိတ်ပုံပြိုကျလို့ သေဆုံးတယ်လို့ သိရပါတယ်။ ဂိုဒေါင်က အလုပ်သမားပါ” ဟု ပရဟိတအဖွဲ့မှ တာဝန်ရှိသူတစ်ဦးက ပြောကြားသည်။
သေဆုံးသူမှာ လူလတ်ပိုင်းအရွယ်ဖြစ်ပြီး သေဆုံးသူအား လှိုင်သာယာဆေးရုံသို့ ပို့ဆောင်ခဲ့ကြောင်း သိရသည်။
