မန်စီးတီးကို ငွေလမ်းခင်းတယ်ဆိုပြီး တံဆိပ်ကပ်ကြတယ်၊ ငွေသုံးလို့အောင်မြင်တာပါဆိုပြီး စွပ်စွဲကြတယ်။ မန်စီးတီးက သူတို့ရဲ့ခေတ်သစ်အစကို ငွေလမ်းခင်းပြီး လျှောက်ခဲ့တာမှန်ပါတယ်။ ဒါပေမဲ့ အချိန်ကြာလာတာနဲ့အမျှ မန်စီးတီးရဲ့လည်ပတ်ပုံဟာ စနစ်ကျလာတယ်။ စီးပွားရေးလုပ်ငန်းတစ်ခုနဲ့ နှိုင်းယှဉ်ရင် မန်စီးတီးက ရင်းနှီးမြုပ်နှံမှုများစွာလုပ်ပြီး သူ့ထက်ပိုပြီးကျော်ကြားတဲ့ အမှတ်တံဆိပ်တွေကို ကျော်ဖြတ်ခဲ့ပါတယ်။ နှစ်တွေကြာလာတဲ့အခါ မန်စီးတီးရဲ့စီးပွားရေးအင်ပါယာက တန်ဖိုးမြင့်မားလာတယ်။ ဘယ်သူမှလိုက်မမီနိုင်မယ့် အခြေအနေမျိုးဖြစ်လာတယ်။