လက်ရှိ ၂၀၂၄ နွေစျေးကွက်လှုပ်ရှားမှုကို ကြည့်ရင်လည်း စပိန်လာလီဂါဟာ ပရီးမီးယားလိဂ်ကိုယှဉ်ဖို့ထက်ရာသီတိုင်း နီးပါးအသာရခဲ့တဲ့ အီတလီစီးရီးအေကိုတောင် ကျော်ဖြတ်ဖို့ ခက်ခဲနေတာ တွေ့ရပါတယ်။ ပြီးခဲ့တဲ့ ဇူလိုင် (၂၁)ရက်နေ့အထိစာရင် အရ ၂၀၂၄ နွေစျေးကွက်ရဲ့ ငွေကြေးသုံးစွဲမှုအများဆုံးလိဂ်အဖြစ် ပရီးမီးယားလိဂ်က ယူရိုသန်း (၇၀၀) နီးပါးနဲ့ ထိပ်ဆုံးနေရာမှာဦးဆောင်နေချိန် လာလီဂါကတော့ အသုံးစရိတ်ယူရိုသန်း (၁၀၀)အမှတ်ကိုတောင် ကျော်ဖြတ်ဖို့ခက်ခဲနေတာပါ။ လက်ရှိ နွေစျေးကွက်အတွင်း လာလီဂါရဲ့စိတ်လှုပ်ရှားစရာအကောင်းဆုံးအပြောင်းအရွှေ့လို့ ဆိုရမှာက ရီးယဲလ်မက်ဒရစ်က ခေါ်ယူထားတဲ့ ဘာပေနဲ့ အန်းဒရစ်ချ်တို့နှစ်ဦးသာအဓိကရှိနေပါတယ်။ ဒါတောင် ဘာပေက အလွတ်ပြောင်းရွှေ့ကြေးနဲ့ခေါ်ယူခဲ့တာဖြစ်ပြီး အန်းဒရစ်ချ်ကလည်းပြီးခဲ့တဲ့ ၂၀၂၂ ခုနှစ်ကတည်းကခေါ်ယူဖို့ သဘောတူညီထားတဲ့ ဆယ်ကျော်သက်ကစားသမားတစ်ဦးသာ ဖြစ်ပါတယ်။