ဂစ်တာတီးတဲ့ တခြားသောအရပ်က ဂြိုဟ်သားတွေ စာသားပါ တစ်ခါကရော့ခ်အင်ရိုးသီချင်းကို နှောင်းလူတွေကြားဖူးကြမယ်ထင်ပါတယ်။ ဒီဘက်ခေတ်ချာတိတ်တွေ နားဆင်ချင်တယ်ဆိုရင်လည်း အလွယ်တကူ ရှာဖွေနိုင်ပါလိမ့်မယ်။ ဟာလန်းကရော ဂိုးတွေသွင်းတဲ့ တခြားသောအရပ်က ဂြိုဟ်သားလား။ နော်ဝေက ဂြိုဟ်သားလေးကို ပရီးမီးယားလိဂ်မရောက်ခင်တုန်းက လယ်သမားလိဂ်မှာ စွာတဲ့ကောင်လေးဆိုပြီး အထင်သေးခဲ့ဖူးတယ်။ အခုများ ပရီးမီးယားလိဂ်ဟာ ဟာလန်းကြောင့် လယ်သမားလိဂ်ဖြစ်နေပြီ။ ဟာလန်းရဲ့သွင်းဂိုးတွေဟာ ကြောက်ခမန်းလိလိ ဖြစ်နေပြီ။ ဟာလန်း ဘာကောင်လဲဆိုတာ ခေတ်ပေါ်ဘောလုံးကမ္ဘာတစ်ခုလုံး သိနေကြပါပြီ။ မိတ်ဆွေရော ဟာလန်း အကြောင်း ဘယ်လောက်သိပြီးပြီလဲ။ ဟာလန်းနဲ့ပတ်သက်ပြီး မဖြစ်မနေသိထားရမယ့် အကြောင်းအရာလေးတွေ ပြောပြချင်ပါတယ်။