အရင်တုန်းက ဥရောပဖလားလို့ နာမည်ရတဲ့ ဒီပြိုင်ပွဲကို ၁၉၉၂ ခုနှစ်ကျမှ ဥရောပချန်ပီယံလိဂ်လို့ အမည်ပြောင်းလဲခဲ့တာပါ။ ဒီပြိုင်ပွဲမှာ ဥရောပထိပ်သီးလိဂ်တွေရဲ့ အကောင်းဆုံးဆိုတဲ့ အသင်းတွေ ယှဉ်ပြိုင်ကြတာ ဖြစ်တဲ့အတွက် ပြိုင်ဆိုင်မှု ပြင်းထန်သလို ပရိသတ်စိတ်ဝင်စားမှုလည်း အပြည့်ရှိပါတယ်။ နာမည်ကျော် ဘောလုံးသမားတွေ အလိုချင်ဆုံး ဆုဖလားဖြစ်ပြီး ကစားသမားတွေ၊ မန်နေဂျာတွေရဲ့ အောင်မြင်မှုကို တိုင်းတာနိုင်တဲ့ ပေတံလည်း ဖြစ်ပါတယ်။