ဘွန်ဒစ်လီဂါဆို လေဗာကူဆင်၊  ပရီးမီးယားလိဂ်ဆို ဗီလာ၊ လာလီဂါဆို ဂျီရိုနာ၊ သူတို့ရဲ့အံ့ဖွယ်တည် ရှိမှုအကြောင်း တခုတ်တရပြောကြတယ်။ အားလုံး သတိမထားမိတဲ့ အသင်းတစ်သင်း ရှိနေတယ်။ စတုဂတ်ပါပဲ။ ပြီးခဲ့တဲ့ဧပြီလတုန်းက စတုဂတ်ဟာ တန်းဆင်းဇုန်ထဲ ရောက်နေတယ်။ ဘွန်ဒစ်လီဂါမှာ ရှင်သန်ရစ်အောင် Play-off ကစားရမယ့် အခြေအနေပါ။ ဆီဘက်စတီယန်ဟိုးနက်စ်က အဲဒီဧပြီလအတွင်းမှာ စတုဂတ်နည်းပြဖြစ်လာတယ်။ သူ့ အတွက် မြူခိုးတွေကြားထဲ နေထိုင်ရသလို အသက်ရှူကျပ်ခဲ့ပါတယ်။ စတုဂတ်ကယ်တင် ရေးစီမံကိန်းမှာ ဆီဘက်စတီယန်က တစ်ရာသီအတွင်း တတိယမြောက်နည်းပြပဲ။ ရာသီနှောင်းပိုင်းကာလ ဘွန်ဒစ်လီဂါ ၁၂ ပွဲမှာ စတုဂတ်က နှစ်ပွဲသာ ရှုံးပြီး သစ်လွင်သွားတယ်။ အဲဒီအရှိန်အဟုန်က လက်ရှိရာသီအထိ မရပ်တန့်ဘူး။ အခုဆိုရင် စတုဂတ်က ချန်ပီယံလိဂ်ဝင်ခွင့်မျှော်လင့်ခွင့်ရှိနေပြီ။