ဇန်နဝါရီလကုန်ပိုင်းမှာ လီဗာပူးလ်အသင်းကနေ ထွက်တော့မယ်လို့ ကလော့ပ်ရဲ့ အံ့အားသင့်ဖွယ် ကြေညာမှုကြောင့် လီဗာပူးလ်ပရိသတ်တွေ ကြေကွဲခဲ့ရပါတယ်။ ကလော့ပ်ကို အသင်းမှာ ဆက်နေဖို့ တောင်းဆိုမှုတွေရှိသလို၊ ဆက်နေလို့ မရတော့ဘူးလားဆိုတဲ့ မေးခွန်းတွေလည်း ထွက်ပေါ်လာခဲ့ပါတယ်။ အဲဒီမေးခွန်းတွေဟာ လိဂ်ဖလားဗိုလ်လုပွဲမှာ ချယ်လ်ဆီးအသင်းကို အနိုင်ရပြီးနောက် ပိုမိုကျယ်လောင်လာခဲ့တာပါ။